榮哥廚房私房菜

營業中

休息中

上個禮拜約屋企人食飯，就返娘家揀咗觀塘區餐廳。呢間榮哥廚房私房菜，位於工廈內， 如果唔係有朋友介紹都唔知道有呢間餐廳，見menu都岩一家人口味。❤️4人套餐幾豐富，由冷盤食到甜品，滿足👍前菜的雲耳已經十分美味。😃榮哥自家甜酸齋，有咬口又開胃。🥢前菜三點擺盤有心思，一人一份，本地水耕沙律菜伴芝麻醬新鮮，雙色墨魚仔肉質爽口，而🥚茶燻流心蛋伴黑魚子醬配厚切茄子既蛋有茶香，再配厚切茄子。原盅燉哈密瓜螺頭黑毛豚肉湯清甜鮮味，十分足料，夠哂滋潤。🐟黑松露醬炒花尾躉班球配鮮露筍 龍躉片魚肉鮮甜，配清新鮮蘆筍，有心思。🦐蝦球水芙蓉蝦球大隻肉質又爽口，最底是滑溜水蛋。😍遠年新會鬆陳皮黑豚肉排骨炸得香酥同時保留肉汁，小朋友最愛❤️🐂韓泡汁煮牛面肉配雙色蘿蔔(微辣)私房菜中有韓式煮法，牛面豬登部位十分滑。🥬米王有機時令鮮蔬波菜鮮嫩， 一啲渣都冇，配自家奶白魚湯。🥢他鄉炒米絲用上福建莆田幼身米粉，炒得有鑊氣，用上24個月西班牙黑毛豬火腿絲同炒，香口甜品：薑汁芝麻湯圓入座時的菜單會細心列出所有菜式，並有客人名字，好貼心，離開時亦會提供清晰單據。