影片
更多
2020-11-16
515 瀏覽
勁好彩，朋友竟然喺早一日訂到位，大概係因為有人好有手尾咁上返個 apps cancel booking 而唔係 no show。餐廳位置唔算太難搵，位於2樓，一出𨋢就係 reception，𨋢同 reception 大概只有3個人嘅身位，攞飛落單等入座都係只有呢條窄窄巷仔，出𨋢時差啲俾人迫番入𨋢.. 👯♀️有3個 hotpot set 可以揀，Set C 最貴，比起 Set B 主要多咗澳洲 M5 和牛板肉，牛胸爽同西班牙黑毛豬肉，價錢多大概 50蚊。揀好 Set C 落埋單就可以入座同埋開始計時 2個小時任食。坐低之後，就去拎醬料，飲品同菜。飲品有紙包飲品，罐裝飲品同自家制飲品，選擇都幾多。我地就揀咗冰糖燉檸檬同蝶豆花茶。我鍾意燉檸檬多啲，有種甘甜嘅味道。紫色嘅蝶豆花茶，好靚味道亦唔差，不過對我黎講偏甜。菜係已經分好一盤盤放喺雪櫃，保持新鮮。菜嘅選擇亦唔少，大路嘅娃娃菜，油麥菜，唐生菜當然有，另外有比較少見嘅冰菜，google過營養價值都幾高，我地梗係有試，比較爽脆多水分，唔錯。 喺只有 Set C 可揀嘅肉中，最鍾意係 M5和牛板肉，牛胸爽只覺得肥，一啲爽口嘅感覺都無，而西班牙黑毛
有3個 hotpot set 可以揀，Set C 最貴，比起 Set B 主要多咗澳洲 M5 和牛板肉，牛胸爽同西班牙黑毛豬肉，價錢多大概 50蚊。揀好 Set C 落埋單就可以入座同埋開始計時 2個小時任食。坐低之後，就去拎醬料，飲品同菜。飲品有紙包飲品，罐裝飲品同自家制飲品，選擇都幾多。我地就揀咗冰糖燉檸檬同蝶豆花茶。我鍾意燉檸檬多啲，有種甘甜嘅味道。紫色嘅蝶豆花茶，好靚味道亦唔差，不過對我黎講偏甜。菜係已經分好一盤盤放喺雪櫃，保持新鮮。菜嘅選擇亦唔少，大路嘅娃娃菜，油麥菜，唐生菜當然有，另外有比較少見嘅冰菜，google過營養價值都幾高，我地梗係有試，比較爽脆多水分，唔錯。
喺只有 Set C 可揀嘅肉中，最鍾意係 M5和牛板肉，牛胸爽只覺得肥，一啲爽口嘅感覺都無，而西班牙黑毛豬肉就正常，無特別印象。另外覺得好味嘅有牛脷心托，諗唔到牛脷嘅托位都幾爽口清甜。
限時食兩個鐘食得有啲趕，埋單大約300pp，兩個女生唔係食得好多不過幾好味 😋
▫️
▫️
澳洲 M5 和牛板肉
42 瀏覽
0 讚好
0 留言
▫️
牛胸爽
37 瀏覽
0 讚好
0 留言
西班牙黑毛豬肉
30 瀏覽
0 讚好
0 留言
▫️
牛脷心托
22 瀏覽
0 讚好
0 留言
▫️
封門柳
15 瀏覽
0 讚好
0 留言
▫️
蝶豆花茶 & 冰糖燉檸檬
12 瀏覽
0 讚好
0 留言
張貼
