牛舞日本燒肉‧涮涮鍋放題 (1亞太中心) (已結業)

牛舞日本燒肉,涮涮鍋放題,餐廳位置喺觀塘道414號1亞太中心10樓。入到餐廳全部都係卡位坐得舒適,雖然係燒牛肉但係聞唔到有油煙味,抽風系統做得好好。自助區可以選擇飲品,汽水,茶,咖啡。熟食區都有好多選擇,炸餃子,炸魚餅,炸雞,避風塘魚骨腩等等...多選擇到暈😉另外刷刷鍋都有好多配料,丸類,菜類,菇,沙律菜,生菜,最鍾意就係做生菜包牛肉食,正今次我哋選擇咗薩摩和牛放題120分鐘,任飲任食。牛肉都有好多選擇,可以食到薩摩和牛 和牛肋肉,和牛粒,和牛赤肉,和牛薄切,和牛肋條,牛舌薄切,我最鍾意食和牛肋肉,脂肪分佈好均勻,充滿油花,入口滿滿和牛香味,牛肉肉質仲係好嫩滑好香,食到停唔到口。包啲生菜一齊食可以減低個油膩感。海鮮有,牛油帆立貝,韓國蠔,虎蝦,青口,雞泡魚乾,磯煮鮑魚,甲羅燒,墨魚仔,多春魚,甲羅燒好多其他放題都冇得食,將啲蟹膏燒到好香食落去好惹味。韓國蠔入口味道鮮甜,肉質爽口。燒虎蝦,蝦肉爽口彈牙,鮮甜嘅味道。另外刷刷鍋都有好多配料炸響鈴,丸,蟹柳,蘿蔔,金菇,應有盡有 一個價錢兩種享受又可以食到燒牛肉,又食到涮涮鍋。出面仲有個甜品櫃,有蛋糕,果子,仲有好多水果,啫喱,雪糕,雪條。