The Point Kitchen (奧海城二期) (已結業)

跟朋友去奧海城行街後去咗呢度食lunch，$168包頭盤、主菜、甜品和特色飲品。虎蝦田園沙律呢個加$18 upgrade，虎蝦中size爽口，沙律菜主要有羽衣甘藍同椰菜絲，味道清清地，幾開胃。美國安格斯肉眼呢個加左$68。肉眼扒牛味香濃，圍邊嘅油脂香味充份散發出嚟，我哋揀左5成熟，目測應該超過了，肉質仍粉嫩，有肉汁，不柴皮，沾上少少鹽或燒汁更加好味。附上的薯條都不能錯過，有一層薄脆粉包住原個薯仔切條，食到尾都外脆內軟，沾茄醬冇得輸。香辣朱古力蛋糕呢個加$38升級，見味道幾特別，未試過就試吓，結果幾驚喜。朱古力係濃味嘅黑朱古力，配上一點點辣，味道又幾夾，辣味中和甜味。朱古力部份質感似松露朱古力，底部有朱古力海綿蛋糕，幾好食。最後嘆埋跟餐嘅特色飲品，菠蘿梳打，坐下傾下又過咗一個休閑下午。