影片
更多
2008-01-15
102 瀏覽
** 此食肆的第十六個笑**12-1-2008 Sat晏晝出去旺角朋友舖頭買o野,橫豎想o黎呢o度買上年九月女友人V讚o既花生糖孝敬爸媽同同事,於是都搭車過o黎啦.一o黎到,唔知咩o岩o岩出爐,臭到好香蛋味,呢o度舖仔細細,但真係有好多o野賣,先搵到花生糖,有三隻o既,一隻有白芝麻,一隻有黑芝麻,一隻咩都冇,但全部同樣係$7.00一包,除o左黑芝麻o個隻外,我就掃其他兩樣共六包;之後見到有笑口棗,心諗臨近新年,買o黎試吓睇吓好唔好食,好食o既就遲啲再o黎買,於是攞o左一包.行去中間遞畀亞姐計數時,卻被我見到原來有以磅計且獨立包裝o既花生糖,咦?咁呢啲更加o岩我請人食啦,因為比較衛生方便嘛,不過眼見呢隻麥芽糖好似冇包裝o個隻咁多,算啦,轉呔啦,亞姐正幫我將戰利品入袋,我都唔好意思咁叫佢唔好入住,我重新諗諗先,於是我只要兩包有白芝麻o既花生糖,一包有芝麻,(原來包裝o既係半磅一包),兩磅獨立包裝o既花生糖,一包笑口棗,亞姐幫我鎊時,我又周圍望,望向右邊,咦?糯米燒餅呀!$2.00一個,上次(上年九月)亞姐話唔出o既?今日被我見到喇,佢重出江湖呀.於是我又即問有咩餡?另一個亞姐答豆沙,好啊,
12-1-2008 Sat晏晝出去旺角朋友舖頭買o野,橫豎想o黎呢o度買上年九月女友人V讚o既花生糖孝敬爸媽同同事,於是都搭車過o黎啦.
一o黎到,唔知咩o岩o岩出爐,臭到好香蛋味,呢o度舖仔細細,但真係有好多o野賣,先搵到花生糖,有三隻o既,一隻有白芝麻,一隻有黑芝麻,一隻咩都冇,但全部同樣係$7.00一包,除o左黑芝麻o個隻外,我就掃其他兩樣共六包;之後見到有笑口棗,心諗臨近新年,買o黎試吓睇吓好唔好食,好食o既就遲啲再o黎買,於是攞o左一包.行去中間遞畀亞姐計數時,卻被我見到原來有以磅計且獨立包裝o既花生糖,咦?咁呢啲更加o岩我請人食啦,因為比較衛生方便嘛,不過眼見呢隻麥芽糖好似冇包裝o個隻咁多,算啦,轉呔啦,亞姐正幫我將戰利品入袋,我都唔好意思咁叫佢唔好入住,我重新諗諗先,於是我只要兩包有白芝麻o既花生糖,一包有芝麻,(原來包裝o既係半磅一包),兩磅獨立包裝o既花生糖,一包笑口棗,亞姐幫我鎊時,我又周圍望,望向右邊,咦?糯米燒餅呀!$2.00一個,上次(上年九月)亞姐話唔出o既?今日被我見到喇,佢重出江湖呀.於是我又即問有咩餡?另一個亞姐答豆沙,好啊,要一件.總共用o左$79.00.
好,搭巴士落荃灣先,上o左車,大約4:30喇,有少少餓,想食件豆沙燒餅,但想返到屋企影o左相後至影,於是食粒獨立包裝o既花生糖先,*O*我對眼又發光喇!好味啊.花生好脆又鬆化,甜度又適中.食完一粒又一粒,真係好好味啊.
味道: 5分抵食: 4分笑面
之後摸吓件燒餅先,咦?微暖喎.諗起,我可以用手機影底張相先,反正可以試用頭先買o既藍芽adapter將佢傳送上電腦;而且,車程實在太長喇,影o左先啦.好,可以食喇,可能影得太耐,件餅涼o左,size冇奇趣咁大,亦冇芝麻o係面.食落,嘩!比奇趣o既強,皮薄,好煙韌,有糯米香,豆沙饀亦薄薄,甜度同樣適中,食完覺得o岩o岩好,不過都算油.
味道: 4.8分抵食: 5分笑面
返到屋企,又忍唔住試吓芝麻花生糖先,呢隻口感比較實,而因明顯地有好多麥芽糖同芝麻,所以較甜同有濃郁o既芝麻味,令花生味淡o左同o係呢o度只發揮到實實o既口感.我覺得呢款花生糖各種成份都好’安份守己’.
味道: 3分抵食: 3分OK
至於笑口棗,到尋晚(14-1-2008 Mon)開o黎試吓,打開個袋,好香.食落,出事喇.竟然唔係好得喎,好硬好實,一啲都唔鬆化,又漏.
味道: 1分抵食: 1分喊面
向大哥反映吓先,因為中秋節前同佢o地講開,至知原來佢同事就係呢間餅家o既話事人.
由於未食包裝而冇芝麻o個隻花生糖,所以今次唔寫,食o左睇吓有冇特別至決定寫唔寫啦.
其他:
呢o度唔似街市咁會呃稱,全部都好足磅數.
張貼
