影片
更多
2021-12-18
87 瀏覽
心血來潮想食甜野，自己私心特別鍾意豆腐花，聽聞有間小店幾出名，決定一試～雖然有啲偏遠，但絕對值得！既然都係，就一次過買晒一家人份量。楊枝甘露最經典嘅糖水，雖然已經唔係芒果嘅季節，但係芒果肉都依舊好鮮甜，仲切得大大粒好有口感。柚子帶甘香，食完冇濟肚感，穩陣之選！奶蓋芋泥小丸子芋泥顏色比較鮮艷，食落去唔會好甜，非常綿滑，食嘅時候建議先攪拌一下，咁飲起上嚟就會滲透住芋頭嘅餘香，而奶蓋部分亦都充斥着豆香，唔錯～滋潤之選天氣開始涼，叫咗一份滋補少少嘅甜品，餡料十足，當中包括主角芋泥、桃膠、西米、芋圓。桃膠完整度都好高，唔會太零碎太散，如果熱食就更加好👍🏻粒粒仙草由仙草、西米、綠豆、芋圓組成，仙草非常滑嫩，綠豆蓉青青甜甜，仲要係厚厚嘅一層！西米煮得夠淋，但係唔會失去口感，都值得一試～和風白玉豆乳狂人嘅招牌就係佢嘅豆腐花，呢一碗真係驚為天人！豆腐花嘅豆香好濃好重，有口感亦唔會太晞，其次白玉都有三大粒，就算放咗落雪櫃，拎出嚟都保持煙靭口感，呢碗食過返尋味，必食之選！大推薦！
楊枝甘露
最經典嘅糖水，雖然已經唔係芒果嘅季節，但係芒果肉都依舊好鮮甜，仲切得大大粒好有口感。柚子帶甘香，食完冇濟肚感，穩陣之選！
奶蓋芋泥小丸子
芋泥顏色比較鮮艷，食落去唔會好甜，非常綿滑，食嘅時候建議先攪拌一下，咁飲起上嚟就會滲透住芋頭嘅餘香，而奶蓋部分亦都充斥着豆香，唔錯～
滋潤之選
天氣開始涼，叫咗一份滋補少少嘅甜品，餡料十足，當中包括主角芋泥、桃膠、西米、芋圓。桃膠完整度都好高，唔會太零碎太散，如果熱食就更加好👍🏻
粒粒仙草
由仙草、西米、綠豆、芋圓組成，仙草非常滑嫩，綠豆蓉青青甜甜，仲要係厚厚嘅一層！西米煮得夠淋，但係唔會失去口感，都值得一試～
和風白玉
豆乳狂人嘅招牌就係佢嘅豆腐花，呢一碗真係驚為天人！豆腐花嘅豆香好濃好重，有口感亦唔會太晞，其次白玉都有三大粒，就算放咗落雪櫃，拎出嚟都保持煙靭口感，呢碗食過返尋味，必食之選！大推薦！
張貼
