SOYmart by 豆乳狂人

營業中

休息中

好耐冇食過粢飯呢個好好食入邊啲餡料好味道外賣送到過嚟仲係熱辣辣。 一個粢飯加一個糖水$104牛油果吉列蝦青瓜絲粢飯 46鮮芋泥西米露49 一個人就係食唔晒，兩個人每人一半啱啱好！ 啲飯粒粒分明，唔會過份煙靭。 有兩隻蝦有啲牛油果蛋很不錯，下次都會再叫。糖水本身諗住嗌Oreo，點錯咗。 好多香芋泥好正好足料。

勢估唔到😂連豆腐花達人都出埋開心果系列既甜品😝但係開心果控既我都係唔小心買番份試吓😎個開心果奶蓋同埋啲開心果碎粒令我成口都係開心果既味🥰入面既材料都算多😗有啲西米芋圓仲有冰糖凍😂我感覺到我不斷要嚼嚼不停🤣整體黎講都叫足料😂但係未必話同開心果好夾😌同埋性價比相對黎講就無咁高啦🙂雖然話開心果醬😚奶蓋同埋啲碎粒好豐富😍但係賣到將近70蚊就會令大眾有更多更好既選擇😝希望下次既期間限定會更出色啦

Blingbling美食推介✨📍沙田🍮SOYmart by 豆乳狂人✨ 超多選擇豆花/豆乳甜品😋💠💠💠💠💠💠💠💠黎開呢頭點可以唔食豆乳狂人！沙田分店只做外賣，大家要注意啦😉 豆乳狂人既豆花同豆乳一向都好濃都味，而且仲好有創意，係我好鍾意既甜品🥰💠超煙韌豆花 $42超煙韌豆花係我all times favourite🧡 有芋圓，小丸子，珍珠同奶蓋😍真係口感一絕！豆香濃郁得嚟唔會太甜🧡💠超煙韌Oreo奶蓋 $48超煙韌Oreo奶蓋真係好邪惡‼奶蓋濃郁綿密，帶住Oreo餅碎嘅脆口同朱古力香，豆花超滑☺罪惡感滿分但忍唔住食晒成杯～ Oreo控必試！餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

難得黎到河畔，即刻去買bookmark左好耐既甜品小食粢飯店🤩甜品份量一d都唔少，女士們可以share一碗食，足料絕無揸流攤。亦要大讚既絕對係呢到既粢飯。大家一定要黎試下⭐️粢飯萬歲⭐️🌟多芒小丸子$45🥭大量新鮮芒果，芒果汁、椰汁加西米配上軟糯煙靭既小丸子🌟Oreo奶蓋珍珠布甸$52🍮🍪芝士奶蓋好厚，珍珠煙煙韌韌加埋大量既Oreo碎，非常邪惡。原塊Oreo會分開裝起，唔會浸到淋晒值得一讚👍🏻🌟狂人粢飯$28成日覺得食粢飯一定要先試原味有適量榨菜，滿滿既肉鬆，油炸鬼好脆食起黎口感豐富，食完一啖又一啖🤤果然原味已經好正，勁足料👍🏻必食粢飯⭐️下次要試埋其他粢飯·牛油果玉子鰻魚粢飯·吉列豬扒蛋粢飯都好似好吸引呢☺️總結：被甜品耽誤的粢飯店🤪

好耐無食過豆乳狂人，好掛住佢嗰濃郁嘅豆乳味道！今日難得喺沙田圍見到呢間鋪，於是一次過買咗好多返屋企🥳🔘黑白芝麻豆花 $28豆花味道濃郁，質地滑嫩厚實，芝麻香氣四溢，最鍾意佢甜度啱啱好，完全唔怕太甜！🧋Oreo奶蓋珍珠布丁 $52布丁層次豐富，Oreo嘅香脆配上濃郁奶蓋同埋彈牙嘅珍珠，口感非常好~ 🥭多芒小丸子 $45成碗都充滿新鮮嘅芒果果肉，咬落去有驚喜，裡面仲有好多西米同丸子~🥑牛油果鰻魚玉子粢飯 $46呢個粢飯好有創意，有別傳統！粢飯餡料非常豐富，除咗傳統嘅油炸鬼、青瓜、肉鬆之外，仲有綿滑嘅牛油果，玉子同埋鰻魚，味道相當夾，咬落去充滿層次感~💚抹茶紅豆小丸子 $48抹茶味道濃郁，飲嘅時候仲會食到香甜嘅紅豆同埋小丸子。小丸子口感煙韌，咬落去彈牙又飽肚。🍫特濃可可豆乳 $24豆乳濃郁得來又唔會過甜，巧克力味道十足，好好飲！🖤黑白芝麻豆乳 $30黑白芝麻豆乳嘅風味獨特，滑順可口，味道香濃。🍯桃膠豆乳 $30口感爽滑嘅桃膠搭配豆乳，味道非常好，清新可口，健康又美味。

傳統既豆腐花店都係熱食先好食🤤但係呢間新式既豆品店除左做到要豆腐花滑同有濃濃既黃豆味之外🥰仲揉合左時下年輕人鍾意甜品既元素😋所以佢都係我間唔中會幫襯既豆品店架😎今次試左佢既煙韌之選同埋堅果芋泥豆腐花😗前者有好多芋圓丸子珍珠🧆有咬口得黎又有香滑豆腐花😋但我個人比較鍾意後者👻因為啲nuts除左有杏仁仲有腰果🥰再加埋大量芋泥真係好幸福☺️豆腐花一向都出色🤔已經諗緊下次幾時去食多次😝雖然價錢比起傳統豆品店有一大段距離👻加上佢無堂食空間🙃但係如果當佢新式甜品鋪又好似都算係咁既🙂

今日好想食甜品，見到好多人係外賣平台10幾個咁買，相信有保證所以買咗幾個甜品同屋企人分享每個都超級足料，一個人絕對食唔晒，啱晒分享叫咗以下三款甜品：堅果芋泥豆乳豆花多芒楊枝甘露芋薯之選甜品有好多唔同款式，花多眼亂，一定揀到一款啱自己嘅見到有熱食，都忍唔住叫咗，粢飯超正，即叫即整，熱辣辣✨吉列豬扒粢蛋飯個飯好煙靭，而入邊個豬扒仲好脆，仲有蛋，肉鬆，榨菜，油炸鬼，值得推介SOYmart by 豆乳狂人 (沙田)沙田大涌橋路20-30號河畔花園地下28號舖

今日到親友屋企食飯， 經過沙田河畔花園見到有間豆乳狂人，之前都聽朋友講呢間甜品店啲野好食，今日一於買啲上親友屋企一齊試下。本來諗住淨係買甜品但係見到粢飯吸引， 所以買咗個牛油果吉列蝦青瓜絲粢飯：大大隻好足料食半個已經好飽肚，即點即包，拎上手嘅時候仲熱辣辣，吉列蝦香脆加上青新嘅青瓜絲，減卻左吉列蝦嘅油膩感。多芒楊枝甘露：楊枝甘露好足料好豐富，芒果清甜新鮮椰奶順滑，加上西米同柚子簡直係完美配搭。抹茶紅豆小丸子： 抹茶濃郁香氣恰到好處咁襯托出紅豆甜嘅味，甜而不腻。Oreo奶蓋珍珠布丁：入面有厚厚綿密嘅奶蓋，底層有q彈嘅珍珠同柔滑布丁， 面層有oreo碎屑， 每一口都充滿層次咁。

🌸多芒西米🌟🌟🌟🌟🌟滿滿一大杯，材料非常豐富，超級多鮮甜芒果，粒粒分明晶凝通透西米。🌸多芒楊枝甘露🌟🌟🌟🌟🌟材料非常十足滿滿一大杯，芒果非常甜，非常多西柚，鮮甜芒果汁配搭椰汁非常好味，還有軟糯晶瑩的西米。🌸 Oreo奶蓋布丁珍珠🌟🌟🌟🌟🌟Oreo碎碎非常香脆，奶蓋帶點鹹鹹香香嘅味道，布甸滑捋捋，珍珠非常煙靭，還有一塊完整的Oreo餅乾。🌸薑汁麻糬芋薯糖水🌟🌟🌟🌟🌟超級爆薑啊，滿滿拉絲麻糬滑捋捋，有大大嚿超綿芋頭，大大嚿超甜番薯及大大嚿紫薯，配搭超濃郁薑汁糖水。

最近同事推介咗位於沙田河畔花園嘅「豆乳狂人」，話佢哋嘅粢飯好食，大家聽後決定試一試。首先係吉列豬扒粢飯外脆內嫩，豬扒炸得恰到好處，咬落去嘅瞬間，香味四溢。牛油果大蝦粢飯蝦肉鮮嫩爽口，搭配滑溜的牛油果，真係絕配。牛油果鰻魚玉子粢飯玉子燒甜味十足，加上濃郁嘅鰻魚非常惹味，份量雖然唔少，但好味到個個真係食哂。甜品方面都同樣出色，梗係要順帶幾款返公司分享。楊枝甘露清新可口，完美解膩；抹茶紅豆小丸子特別啱抹茶控，味道濃郁，口感柔軟；多杧仙草清涼消暑，無論任何時候食都合適；而芋薯之選同多杧小丸子更係甜品界嘅佼佼者，各有特色，令人意猶未盡。

Soymart間中就會推出下新menu。見佢最近又推出咗個芋薯系列，忍唔住又想試試下午2點左右去到，已經無曬火炙焦糖麻薯紅薯要買趁早。最後叫咗一個 煙韌之選 $45同埋一個新出嘅 芋薯之選 $58呢個時間唔多人，好快就有。講咗煙韌之選先。呢個係我每次都會叫。裡面有三色芋圓、珍珠、豆腐花。如果大家唔係即刻食，放咗係雪櫃先。我建議大家拎出黎時，放返半個鐘左右室溫，無咁凍先食。雪耐咗啲芋圓同珍珠會硬咗唔太好食。即食當然係最好味同煙韌！份量絕無偷工減料，好多粒芋圓同珍珠Staff裝到滿一滿。最抵讚係佢個膠盒，擰開個蓋之後仲有一層膠蓋封住液體，無咁易倒瀉我自己會留返呢啲膠盒重用，帶啲湯返工都方便。因為太滿，鍾意每樣餡料平均食嘅我撩得好小心先食到最底嘅豆腐花甜度正常，好rich嘅豆乳味，亦都好滑。一兜其實都好飽，想當飯後甜品食嘅人，正餐份量最好減半。之後就係登登登登 芋薯之選🍠Menu寫裡面有三色芋薯、拉絲鮮奶麻糬、三色芋圓、小丸子。打開後亦的確一個不少！超級滿！我係拎返屋企雪咗陣先拎出黎食。但啲麻糬依然咁軟淋！食真啲真係會食到奶味🍼最令我驚喜係啲三色芋薯，係用薑汁煮過！甜甜辣辣嘅薑汁味係我最愛😍

「SOYmart by 豆乳狂人」主打豆乳、豆花、豆乳雪糕、粢飯、木棉豆腐、MINI豆卜、炸脆雞等咸甜小食，短短兩年幾已經發展得好快，喺荃灣、樂富、沙田、黃大仙、將軍澳都有分店，人氣勁旺，特別受年輕人歡迎。佢哋用咗日本熟漿蒸煮技術，將黃豆打碎後，連埋豆渣一齊煮，之後先至過濾。咁樣可以保留到更多黃豆精華，令豆乳更加濃郁，豆味更突出，飲落口感更豐富。今次踩完單車，當然要去沙田河畔花園分店掃街醫肚啦！黃金脆脆豆乳茶 ($50)呢杯豆乳茶係用烏龍茶加豆乳，味道香濃，而且仲有珍珠、芋圓、小丸子，口感超豐富！再加埋流心奶蓋，超Creamy，頂層仲鋪滿咸蛋黃脆脆，邪惡到不得了～奶蓋布丁燒仙草 ($38)以濃濃豆乳做底，加上咸香奶蓋，再配埋滑溜溜嘅仙草同布丁，清涼又好味，特別啱夏天飲！椒鹽炸豆腐 ($28)即叫即炸，拎上手仲熱辣辣！自家出品嘅綿滑絹豆腐切粒再炸，外皮金黃香脆，內裡嫩滑，撒上椒鹽，一啖一粒，香脆惹味，忍唔住一粒接一粒！海苔肉鬆炸豆腐 ($38) 炸豆腐外脆內嫩，加上海苔肉鬆，咸甜夾雜，一口一粒，好邪惡！和風七味炸脆雞 ($40)炸雞夠香脆，但又唔會太油膩，灑上七味粉，帶少少微辣，口感更香

呢日喺呢間有小食又有甜品嘅小食店買咗啲粢飯同埋甜品做午餐🤣$46「牛油果鰻魚玉子粢飯」：有鰻魚有牛油果有雞蛋有青瓜條有肉鬆仲好似有油炸鬼🤣，粢飯軟熟兼少少煙靭，非常大件，一個人食晒會好飽🤩$40「和風七味炸脆雞」：係單骨雞中翼，用脆醬包住炸過，外邊再灑七味粉，外皮脆脆哋食落非常香口🤩$38「吉列豬扒粢蛋飯」：有豬扒有雞蛋有榨菜有肉鬆等，都係非常大件，一個人食晒會勁飽🤩$45「多芒楊枝甘露」：材料包括 鮮芒果+ 芒果汁+西米+金柚 +特調椰奶🤩，材料真係幾豐富，童叟無欺好大兜🤩

情人節當然要品嚐甜品，為浪漫加分！多芒小丸子香甜可口，芒果味濃郁，小丸子口感Q彈，配上新鮮的芒果，真係一絕 🥭🍡。三色芋圓豆花，三色芋圓口感滑嫩Q彈，豆花細滑香甜🍮，每一口都驚喜。豆豆仙草，豆腐花令本身淡味的仙草，變得更香甜圓滑，甜度適中，不二之選 🍃。我哋仲試咗胚芽麥麥豆乳，豆乳嘅香味濃郁，配上胚芽，味道獨特，健康又美味 🥛🌾。以上幾款甜品, 真係值得一試, 但其實呢度的選擇好多,  我下次會再來品嚐呢!

SOYmart by 豆乳狂人😘😘😘專上豆乳製食沙田河畔花園、老牌屋苑、隱藏專用黃豆、製作食品小店、款式多蘿蘿、早餐豆乳飲料、中午飯後甜品、更有豆乳配搭「粢飯」📣📣✨多芒楊枝甘露$45又大又多粒芒果肉🥭、煙靭彈牙西米、晶瑩剔透、清爽甜中帶微酸西抽粒、撈埋椰香豆乳、層次豐富、不太甜剛好、飯后甜品、超滿足😌✨狂人粢飯$28軟糯米香、軟綿綿、包卷着鬆脆牛炸鬼、榨菜絲、肉鬆、咬一口、先軟、脆卜卜、味蕾口感豐富！層次分明、飽肚🈵足✨抹茶紅豆小丸子$48入口、極濃豆乳香味樸鼻、creamy細滑軟緻、高密度、配抹茶、不澀口、淡淡清香抹茶、味道好夾😃、十勝紅豆🫘、夠軟腍、有嚼口小丸子、色彩斑斕、賣相吸睛！✨牛油果鰻魚玉子粢飯$46軟綿糯米、包卷豐富材料、🈶肉鬆、油炸鬼、榨菜絲、玉子（蛋）、肉質彈牙鰻魚、牛油果片🥑、配搭新穎、夠清新、夠fresh、口感層次分明、味道好夾😘SOYmart by 豆乳狂人沙田大涌橋路20-30號河畔花園地下28號舖港鐵沙田圍站C出口、步行約10分鐘