Niksen Koffie (已結業)

黃埔出名多好嘢食，而呢間都唔例外，佔地超過6000尺，空間感十足，文青風設計，令人感覺懶洋洋，設有戶外同室內位置，可以帶埋寵物享用美食，幾適合約閨蜜聚會👭呢度有好多生酮主食，適合注重飲食嘅大家～ 白飯以粒粒椰菜花同藜麥代替，減少攝取碳水化合物，椰菜花感覺新鮮，咬落爽口，好有口感，配上藜麥更加健康，整體調味適中，性價比高！配菜方面要咗65度慢煮雞前胸，雞肉比想像中嫩，唔嚡口而且都幾入味、另外有牛油果大啡菇，牛油果creamy，大啡菇切到一粒粒方便食用，各有千秋～ 個人私心推介餐廳嘅薄餅，叫咗個日式和風章魚燒口味，香氣四溢，pizza鋪滿章魚粒粒、木魚碎、紫菜、餅底脆身，夠薄，內裡軟軟哋，完全唔膩，西日fusion菜式，特別又好味😍小食有咸蛋黃牛油忌廉汁雞翼，醬汁帶點鹹香，份量啱啱好，雞翼有五隻，大小不一，炸至外脆內嫩，唔油唔膩，忍唔住一啖接一啖咁食呀！