影片
更多
2019-07-10
1473 瀏覽
公司嘅飲食控同事提議去潮樂園食滷水嘢，猴子本能地有點抗拒，不過又講唔出原因，但既然潮樂園曾經得到米芝蓮推介，猴子一時間又搵唔到理由反對。入到餐廳，猴子迷迷糊糊點了個滷水鵝併五花腩，到上菜一刻才恍然大悟！之前的本能抗拒，源於猴子近排食咗好多高脂肪嘢，搞到個胃有啲滯，滷水鵝本身都有點肥膩，再併個五花腩就更加火上加油。猴子一向謹慎，為免腸胃炎，所以將最美味嘅部份，即係肥嘅部份都去掉，結果享受當然減半。記得上次嚟食滷水鵝，瘦肉部份比較多，但今次呢隻鵝就比較少肉。至於五花腩，平心而論，係肥瘦適中，要嚟餸飯一流，只可惜今日真係有啲滯，唯有下次再挑戰。當然，除咗滷水鵝同五花腩，作為伴菜嘅豆腐亦係一貫有水準，夠香夠滑，猴子二話不說第一時間掃清。另外值得一讚嘅係奉送嘅紫菜湯，紫菜份量滿一碗，飲落極之鮮美，擺明係益街坊。賽後檢討，都怪自己唔識併，如果今次係併墨魚而唔係併五花腩，成個用餐體驗就會唔同晒，又或者等猴子食番幾餐清淡啲，下次再嚟認真品嚐五花腩！
滷水鵝併五花腩
$66
39 瀏覽
0 讚好
0 留言
之前的本能抗拒，源於猴子近排食咗好多高脂肪嘢，搞到個胃有啲滯，滷水鵝本身都有點肥膩，再併個五花腩就更加火上加油。猴子一向謹慎，為免腸胃炎，所以將最美味嘅部份，即係肥嘅部份都去掉，結果享受當然減半。
滷水鵝併五花腩（滷水鵝）
$66
39 瀏覽
0 讚好
0 留言
記得上次嚟食滷水鵝，瘦肉部份比較多，但今次呢隻鵝就比較少肉。至於五花腩，平心而論，係肥瘦適中，要嚟餸飯一流，只可惜今日真係有啲滯，唯有下次再挑戰。當然，除咗滷水鵝同五花腩，作為伴菜嘅豆腐亦係一貫有水準，夠香夠滑，猴子二話不說第一時間掃清。
滷水鵝併五花腩（五花腩）
$66
35 瀏覽
0 讚好
0 留言
另外值得一讚嘅係奉送嘅紫菜湯，紫菜份量滿一碗，飲落極之鮮美，擺明係益街坊。
滷水鵝併五花腩（例湯）
$66
29 瀏覽
0 讚好
0 留言
賽後檢討，都怪自己唔識併，如果今次係併墨魚而唔係併五花腩，成個用餐體驗就會唔同晒，又或者等猴子食番幾餐清淡啲，下次再嚟認真品嚐五花腩！
題外話/補充資料：
又係一間唔供應紙巾嘅食店，如果嗰日冇帶紙巾，猴子一定唔會幫襯。
(以上食評乃用戶個人意見 , 並不代表OpenRice之觀點。)
張貼
