EL CID西班牙餐廳 (已結業)

「諾士佛臺」比人印象係酒吧雲集、剩係飲酒嘅地方。今晚朋友約我去諾士佛臺，我話我唔飲酒，佢話係帶我去間叫「EL CID」嘅西班牙餐廳食飯。原來諾士佛臺唔係剩係得酒吧，真係顛覆左我對諾士佛臺嘅印象！🙈呢度有好多野食：冷盤及沙律、湯、多士及麵包、素菜頭盤、肉類頭盤、海鮮頭盤、西班牙焗飯類、主菜、意粉同甜品。我同朋友揀左「焗菠菜芝士卷」、「西班牙黑毛豬野菌闊條麵」同「素菜薄餅」。焗菠菜芝士卷外皮薄而脆。芝士嘅鹹香同菠菜嘅味道完美融合。因為落咗芝士，食落口感煙煙韌韌。西班牙黑毛豬野菌闊條麵唔知係咪落左酒，入口有酒香。黑毛豬有好多片，切成薄片，大大片，雖然薄但有口感。加左d黑椒喺黑毛豬上調味，食落辣辣地。闊條麵軟硬適中，不錯。素菜薄餅真正好味嘅pizza唔使擺好多食材喺面，剩係蕃茄同芝士已經好好味了😋。薄而脆的餅底上是蕃茄粒蕃茄醬🥫和熱熔了的芝士。餅底烘得啱啱好唔會燶。酸酸甜甜的蕃茄和芝士的鹹味相映成趣，我同朋友食完一塊又一塊，不消幾分鐘就食晒🙈。我唔太好酒，正苦惱飲咩好嘅時候，店員推薦我試下「冬日特飲」嘅「Asia Heat」。「Asia Heat」係不含酒精嘅熱飲，由蝶豆花、荔枝、薑同青檸沖調