影片
更多
2017-11-20
564 瀏覽
今時今日既香港，百物騰貴，幾百蚊既omakase係邊度搵？就係呢間西環既神川。聽同學講，呢度既omakase豐儉由人，最平只係$180/人！你無睇錯，我亦無聽錯，實在平得令人難以置信！平既未必係好既，由其是係日本料理，但係佢既強力推薦下，我實在按捺不住，安排左係同男朋友既一週年紀念當日去食。當晚book左每位$500既omakase（呢度最貴既omakase係每位$1000，所以今晚食既菜單係大約中等價位的）前菜，每人有三小碟，由左邊食起（師傅每上一道菜時，都會教大家點食，照顧到初嘗日本料理既顧客，呢點相當細心）✨wasabi 生蝦✨鮟鱇魚肝正所謂「西有河豚，東有鮟鱇」，鮟鱇魚係日本人眼中被視為珍品。曾經係日本食過一次鮟鱇魚火鍋，魚肉既鮮美至今仍教我念念不忘，但鮟鱇魚肝卻係第一次品嚐，說是味道更勝鵝肝亦不為過！質感軟綿，濃郁魚油香卻清爽不油膩，確實係珍品✨日本番茄，配上忌廉芝士和胡麻醬汁四款刺身✨鯧魚，配上日本細葱以及辣蘿蔔蓉，蘸上清香既柚子汁食用，魚脂相當豐厚，正✨鯖魚，細葱同薑末大大壓低左魚肉既腥味，更有提味之效，魚肉比較結實清爽。✨三文魚腩，十分肥美。✨海膽魷魚紫蘇葉，魷魚既彈牙
聽同學講，呢度既omakase豐儉由人，最平只係$180/人！你無睇錯，我亦無聽錯，實在平得令人難以置信！
平既未必係好既，由其是係日本料理，但係佢既強力推薦下，我實在按捺不住，安排左係同男朋友既一週年紀念當日去食。
當晚book左每位$500既omakase（呢度最貴既omakase係每位$1000，所以今晚食既菜單係大約中等價位的）
前菜，每人有三小碟，由左邊食起
（師傅每上一道菜時，都會教大家點食，照顧到初嘗日本料理既顧客，呢點相當細心）
✨wasabi 生蝦
✨鮟鱇魚肝
正所謂「西有河豚，東有鮟鱇」，鮟鱇魚係日本人眼中被視為珍品。曾經係日本食過一次鮟鱇魚火鍋，魚肉既鮮美至今仍教我念念不忘，但鮟鱇魚肝卻係第一次品嚐，說是味道更勝鵝肝亦不為過！質感軟綿，濃郁魚油香卻清爽不油膩，確實係珍品
✨日本番茄，配上忌廉芝士和胡麻醬汁
四款刺身
✨鯧魚，配上日本細葱以及辣蘿蔔蓉，蘸上清香既柚子汁食用，魚脂相當豐厚，正
✨鯖魚，細葱同薑末大大壓低左魚肉既腥味，更有提味之效，魚肉比較結實清爽。
✨三文魚腩，十分肥美。
✨海膽魷魚紫蘇葉，魷魚既彈牙，配上海膽既軟綿同鮮味，再加上紫蘇葉，口感豐富而且齒頰留香，好食！
日本大根沙律
大根其實係蘿蔔，係秋冬季節最為當造。食起黎無平日生蘿蔔既辛辣，反而有陣陣清甜，而且食起黎極為爽脆，好特別，亦係全晚印象最深刻既菜式之一
明太子玉子燒
玉子燒有一定厚度但仍然保持軟嫩，同明太子係絕配
日本地雞
師傅話呢款日本地雞煮至九成熟即可，雞皮烤得香脆不油膩（一定要連皮食啊！），雞肉極嫩又多汁，簡單調味而唔蘸沙律醬已經相當美味！十分推薦～
三款卷物，每款既配搭都好豐富，各有千秋，共同點係全部口感都好有層次不過卷物既內容十分豐富既緣故，令到佢既size都有一定既份量，口比較細既我食個時有小小狼狽呢
自家製藍莓芝士蛋糕，質感creamy，比較清爽既芝士蛋糕，完美地為整頓晚餐作結，大滿足！
呢度既omakase唔似平常鮨店一樣以刺身同壽司為主，但可以試到其他出色既日式料理～如此質素，只需$500，實在超值，絕對會再encore
張貼
