影片
更多
2020-10-04
31 瀏覽
早幾日去咗Donki朝聖，順便食個lunch，諗起屋企人推薦有間台式便當幾好食所以就去試吓！呢間台式便當係一個food court裏邊，驟眼睇都幾多人買外賣，佢嘅Menu款式唔多主要係飯類同麵類為主，另外都有台式手搖飲品售賣，成朝未食過嘢嘅我梗係食個飯先啦！唔知係咪外賣嘅生意太好，我等咗大概15分鐘先有得拎，另外我本身講堂食，但係可能太忙嘅關係佢改咗外賣方式連紙袋俾我，咁樣做好似有少少浪費，不過另一方面又諗始終而家肺炎肆虐甘都係多一個渠道避免交叉感染嘅。今次叫咗台式控肉飯，控肉即係三層肉，口感會比普通滷肉飯更紮實，而且自己可以選擇唔食肥豬肉嘅部份，所以我都幾鍾意架。講返個便當先，佢嘅配菜都幾多種類，有粟米，炒粉絲，蔬菜絲同埋半隻滷蛋，整體便當味道唔錯，控肉口感紮實但唔會太硬，而且香氣十足，配上珍珠米感覺十分好，配菜方面亦都唔失色，我最推薦係佢嘅炒粉絲，食到濃濃醬汁香味但係唔會淋晒，滷蛋醃製既時間夠長，食到香口既滷水汁味道。便當免費贈送一杯飲品，我揀咗茉香綠茶，雖然比較甜，但係茶香好濃厚 ，以幾十蚊嘅價錢就食到既話我個人十分推薦架！
呢間台式便當係一個food court裏邊，驟眼睇都幾多人買外賣，佢嘅Menu款式唔多主要係飯類同麵類為主，另外都有台式手搖飲品售賣，成朝未食過嘢嘅我梗係食個飯先啦！
唔知係咪外賣嘅生意太好，我等咗大概15分鐘先有得拎，另外我本身講堂食，但係可能太忙嘅關係佢改咗外賣方式連紙袋俾我，咁樣做好似有少少浪費，不過另一方面又諗始終而家肺炎肆虐甘都係多一個渠道避免交叉感染嘅。
今次叫咗台式控肉飯，控肉即係三層肉，口感會比普通滷肉飯更紮實，而且自己可以選擇唔食肥豬肉嘅部份，所以我都幾鍾意架。講返個便當先，佢嘅配菜都幾多種類，有粟米，炒粉絲，蔬菜絲同埋半隻滷蛋，整體便當味道唔錯，控肉口感紮實但唔會太硬，而且香氣十足，配上珍珠米感覺十分好，配菜方面亦都唔失色，我最推薦係佢嘅炒粉絲，食到濃濃醬汁香味但係唔會淋晒，滷蛋醃製既時間夠長，食到香口既滷水汁味道。便當免費贈送一杯飲品，我揀咗茉香綠茶，雖然比較甜，但係茶香好濃厚 ，以幾十蚊嘅價錢就食到既話我個人十分推薦架！
張貼