尚御潮滷居

營業中

休息中

大角咀近年小店來去如風，個個月有新開亦有執笠，聽街坊講呢間新開的鹵水專門店好得，所以要拿拿林趁消失前試下。店面好細，廿個客都坐唔到，招呼幾周到，整體環境都乾淨企理，但係迫囉。。。當日都好旺場，要等位。試左例湯，鵝片拼大腸，豬油撈面，鮑汁娃娃菜。主角鹵水個味幾特別，好重五香藥材味，有點似肉骨茶，個鵝片最正，薄切，入味，軟稔又有鵝味，大腸就正正常常好肥下。豬油撈面同娃娃菜都係水準以上，個赤小豆粉葛湯亦足料清甜無味精。唔知係邊樣送有師傅，食完有少少口渴。味道同質感都好好，而且整體唔太咸，啱老人家食，但要小心因爲地方真係好窄。