影片
更多
2021-12-05
86 瀏覽
小編由細到大都住大埔，大埔真係愈來愈多美食！而且價錢比外面其他地區更實惠。要食爐端燒係大埔平有平食、貴有貴食，呢間【牛脾氣】嘅肉類有好多選擇，日本A5和牛定食都係$218，平嘅$128就食到佐賀名水豚肉，最重要餐廳係用日本出產嘅食材。今次我揀中間價位，又可以食多啲用嘅：【美國prime牛小排－特盛$208】美國prime牛小排油香濃郁，每塊肉地好鬆軟，點啲啲鹽，牛油夾住鹹香， fantastic 👏 食爐端燒嘅好處係可以控制每塊嘅熟度，一餐5成熟到10成熟都可以滿足到🤣👍🏻 爐端燒嘅套餐有沙律，入面有火龍果、蝦肉，令到口腔清爽，唔洗成餐都咁油膩。餐廳亦十分貼心咁攞圍裙、濕紙巾畀我地用，唔洗食爐端燒嘅時候啲油彈落自己度。淨係服務態度都值得食客揀【牛脾氣】食飯。【吉列豬扒飯定食$58】呢間嘅吉列豬扒唔簡單，扒入面有芝士拉絲，上面又淋咗明太子沙律醬，好邪惡！而且吉列豬扒個皮又薄又脆，好好味😛想講58蚊套餐有嘢飲有沙律，咁嘅價錢，但份量依然十足，crazy😭呢間雖然係小店，但啲嘢食真心係感受到落足心機，大家係大埔食飯不妨支持下☺👍🏻blue cat rate :😻😻😻😻😻＊為咗呈現食物最真實嘅
今次我揀中間價位，又可以食多啲用嘅：
【美國prime牛小排－特盛$208】
美國prime牛小排油香濃郁，每塊肉地好鬆軟，點啲啲鹽，牛油夾住鹹香， fantastic 👏 食爐端燒嘅好處係可以控制每塊嘅熟度，一餐5成熟到10成熟都可以滿足到🤣👍🏻
爐端燒嘅套餐有沙律，入面有火龍果、蝦肉，令到口腔清爽，唔洗成餐都咁油膩。
餐廳亦十分貼心咁攞圍裙、濕紙巾畀我地用，唔洗食爐端燒嘅時候啲油彈落自己度。淨係服務態度都值得食客揀【牛脾氣】食飯。
【吉列豬扒飯定食$58】
呢間嘅吉列豬扒唔簡單，扒入面有芝士拉絲，上面又淋咗明太子沙律醬，好邪惡！而且吉列豬扒個皮又薄又脆，好好味😛
想講58蚊套餐有嘢飲有沙律，咁嘅價錢，但份量依然十足，crazy😭
呢間雖然係小店，但啲嘢食真心係感受到落足心機，大家係大埔食飯不妨支持下☺👍🏻
blue cat rate :😻😻😻😻😻
＊為咗呈現食物最真實嘅狀態，呢個post嘅食物圖片都冇加effects、調色，只會加上文字及一點點插圖。
吉列豬扒
7 瀏覽
0 讚好
0 留言
張貼
