牛脾氣

營業中

休息中

今次已經係我第3次幫襯 每一次都食得好滿意 今次叫左滑蛋鰻魚飯同埋牛柳粒飯 $98 滑蛋鰻魚飯 ⭐️⭐️⭐️⭐️⭐️ 滑蛋好厚好有蛋味 配上鰻魚汁加飯食真係好幸福 ❤️濃而不膩 恰到好處 分量十足 保證唔會失望$68 蒜茸牛柳粒飯 ⭐️⭐️⭐️⭐️⭐️本身$68一個飯我對分量係完全無期望 個飯黎到既時候我係有大吃一驚 牛既分量真係好多 $68包沙律飲品真係良心價 我諗今時今日唔係好多餐廳可以offer到呢個分量呢個價錢 而且牛味非常之重😋肉質鬆軟 非常好食$25一口芝士：⭐️⭐️⭐️ 中規中矩啦可以叫

第一次見有餐廳會自己整包裝紙巾🧻仲印左牛牛漫畫🐮幾有心思👍🏻最平套餐$58就有交易，亦都會送一份前菜同飲品.🔹吉列牛扒飯 （$138）［美國牛板腱200g🥩］份量幾多，仲有一份細沙律，男士一定夠飽🧑🏻不過大部分吉列牛煮得太熟了，只有幾舊係啱啱好，韌到咬唔郁🥵雖然炸粉皮幾薄，但炸粉皮同牛肉分離哂，真係有啲失望🔹黑椒牛舌飯 （$68）黑椒味幾夠👍🏻但牛舌就正常一般，平均水準 以$68來講食到呢個分量&質素，仲要包前菜飲品，都算性價比高評分♡👅味道：6/10👀回頭率：6.5/10🤙🏻性價比：8/10

今晚要一個人食飯，所以決定嗌個外賣，之前一直想試吓門面唔太起眼嘅牛脾氣，今次就嗌咗佢個明太子雞翼雞扒飯外賣，附送汽水一罐明太子釀咗喺隻雞翼入邊，少少辣辣地，好香口，日式雞扒都好好味，飯撈咗啲香草汁，我就覺得汁可以再多少少，撈飯食好好食另外絕對值得一提嘅係佢外賣嘅包裝，連個紙袋都整得咁靚，特別訂做，超級有心思仲送咗一包咁特別嘅紙巾，咁有心思嘅設計，真係令收到嘅人好開心！如果鍾意鬼滅之刃嘅朋友記得去試吓啦！

第一次係牛脾氣食午餐，當日12點到，店鋪啱啱開，入到去叫完餐要等，因為即叫即整。嘢食上枱時有驚喜，我叫咗個全日套餐-吉列魚柳飯，魚柳份量足，炸得好香脆，好好食，飯都好大份，沙律份量都幾多。整體黎講，呢個午餐性價比高。

住大埔嘅都會嚟呢條美食街食嘢。今日同屋企人再嚟食呢間日式小店，因為又平又抵，平時放假都會過嚟食set lunch。吉列豬扒飯 $58套餐有埋飲品同沙律前菜，份量嚟講好足。吉列豬扒新鮮熱辣炸起，配上明太子醬，好食👍🏼另外加埋沙律好健康。另外仲加咗明太子玉子燒，上面嘅蟹子鋪到滿滿，成個set好有飽腹感。飲品方面有唔同嘅罐裝汽水，我今次就叫咗有氣檸檬茶。呢個價錢有埋野飲，性價比高👍🏼汁煮牛舌烏冬 $68牛舌煮到好淋、好入味。每片牛舌都好厚身，唔係燒嗰種薄薄嘅牛舌。朋友亦另外加咗芝麻雞翼，雞全翼外脆內嫩，炸皮唔會太厚，值得一試。

呢間小店我已經回訪過好幾次雖然掛住牛肉專門店既招牌但因為我唔食牛既關係～每次嚟都係食佢既定食佢既定食最平由$58起👍🏻私心覺得最值得推薦既係滑蛋鰻魚飯🤣🤣滑蛋鰻魚飯 半尾$98 💛💛💛超級足料 大大份 仲配沙律飲品我地係食到飽曬都仲淨低半份👍🏻雜錦海鮮鍋$138朋常叫佐呢個鍋物 正常水準但有蠔有蝦 烏冬份量都好夠大極級炸蟹捧$38💛💛💛超好食 勁大份 未上枱前以為會係一條條嘅普通炸蟹柳呢種炸法出黎係似勁脆既炸薯絲但係比薯條感覺好好多Btw,鋪頭送既自家設計紙巾好可愛🤭🤭

呢間餐廳之前食過一次，上次就食吉列豬扒飯，今次就叫咗個雜錦海鮮鍋$138，海鮮包含蝦、帶子、蜆、蠔。原本個湯底係地獄湯底係辣既，但店員話湯底有得轉豬骨湯底，所以圖中果個海鮮鍋係豬骨湯底。個set 有得揀飯 或者烏冬，我就揀咗烏冬。份量都幾多，帶子有兩隻，蠔有兩隻，蝦有三隻，蜆有兩隻，仲有蟹柳同娃娃菜墊底。用料都新鮮，蝦肉爽口，蠔唔會有腥味，蜆肉灼完都唔會縮水縮到好細粒，烏冬仲有櫻花蝦點綴，幾吸引視覺。結論：物有所值！

Book咗呢間媽咪鍾意嘅日式小店同家姐預祝生日 我哋自攜蛋糕 老闆不但唔收切餅費 仲好有心思 自製寫有身體健康嘅祝福牌隨蛋糕送上 真係錦上添花 牛脾氣嘅食物好味兼性價比高 爐端燒A4和牛四百蚊已經好親民 老闆仲送多碟牛舌芯 超抵食

今日差唔多到收舖時間才去，今次係第一次去，叫咗厚切牛舌定食加溫泉蛋試吓！牛舌，飯及湯都幾好食！呢個價錢值！所以加個鹽燒厚切牛舌外賣！服務仲好好！絕對值得去試吓！

💁‍♀️💁‍♂️28/12/2022(Wed), Dinner🍽為食妙妙🙍‍♀️同A先生🙍‍♂️又返嚟主場大埔搵食😋，其實大埔區都有唔少值得一試既小店，今次去到近太和既汀角路一間叫牛脾氣既日式小店。店舖門面唔太起眼，就咁睇店名以為係食牛既專門店，但其實店方有提供丼飯、烏冬、刺身等食物，唔係單單得牛可以食😯。而今晚我地order左：🔆 吉列芝士豬扒飯（配明太子沙律醬）套餐（$68）套餐包括有一碗吉列芝士豬扒飯🐷、前菜（今晚係沙律）🥗同埋一罐汽水。吉列芝士豬扒大大塊放喺面層，上面有一點明太子沙律醬，中間仲有一片滑蛋蓋住白飯🥚，份量十足。A先生對於明太子沙律醬有種獨特既喜愛，其中日本Sukiya すき家既高菜明太子沙律醬牛丼更加係每次到日本必食😋。吉列芝士豬扒🐷上枱時已經切開幾件，夾起時中間既芝士仲有拉絲既效果😍，一口咬落去吉列豬扒炸皮脆而肉嫩👍，炸完既豬扒肉仍保持嫩滑同有肉汁，唔會話炸到又乾又嚡。豬扒底下既滑蛋生熟度剛好👍，仍帶有一點蛋汁好送飯😋。白飯之中仲加入咗燒肉汁，令到味道仲多咗個層次。夾埋咁多層一齊食，味道豐富又滋味🤤。沙律係粟米🌽粒、車厘茄🍅同沙律菜，再配合和風柚子醬汁，清清地配合返吉列

今日又黎開大埔上堂捉埋朋友一齊食飯好耐冇食過日式丼飯上openrice睇睇 未食過依間就一於入黎試試佢黑椒牛舌飯 $68有埋沙律同汽水 正呀牛舌份量都好多 而且個汁好食熟既程度啱啱好 幾爽仲要有隻温泉蛋係到😍😍仲有雞皮餃子 $38即整既 好味道又唔會太油 冇罪惡感既感覺吉列豬扒飯 $58豬扒夠脆 蛋夠晒多 用料十足而且都好多明太子醬中層仲有燒汁 夾埋一齊好好食好中意豬扒加燒汁可惜趕時間 下次再黎食多d野食好抵食呀

日式小店係大埔真係唔多，雖然大埔出左名多小店，但真係多到要慢慢一間一間試，今次就試下呢間以牛為主題嘅小店啦！附近都有好多唔同嘅小店，日本野通常都係連鎖店， 所以都可以試下啦！ 入到去都幾光猛，感覺都ok，坐位有十幾個啦，小店size，而食物嘅種類係比我想像中多嘅。有全日餐，小食仲有好多可以揀，最神奇嘅係有爐端石板燒真係無諗過係咁細嘅小店搵到！不過今日時間有限，試左啲全日餐先！試下日式最common嘅野先，芝士吉列豬排飯同埋汁煮牛肉飯。跟餐配飲品同沙律，沙律有柚子汁嘅味。兩個set都有小店嘅風味，同埋都係大大碗，一定夠飽呀！ 牛肉份量好多，豬扒夾住芝士都好特別呀！深信黎大埔嘅人都係想食小店味道，想試下真店嘅味道就可以去試試啦！！

平時比較喜歡幫襯小店 ， 之前經過見到呢間牛脾氣， 今次專登去試蟹黃丼 $118超級足料的蟹黃丼， 入面材料有大量新鮮蟹肉， 一大嚿蟹膏， 原隻軟殼蟹， 仲有大量炸蟹柳， 食得出蟹肉和蟹膏 非常新鮮，尤其是蟹膏，絕對唔係平時喺超級市場買到既咁稀， 佢係一舊好實淨嘅蟹膏， 我老公初初以為係麵豉醬，估唔到一間小舖 可以咁足料 ，鹹香鮮味十足， 只係加少少就已經可以食一大啖飯。 手拆蟹肉非常多， 啖啖蟹肉配飯非常滿足， 蟹肉亦都非常新鮮，還會看到有些蟹肉上面有蟹黃。 炸軟殼蟹炸得非常鬆脆， 食到軟殼蟹入面蟹膏的味道。 酥炸蟹柳比較有驚喜 ，蟹柳唔係原條炸， 係拆散一絲絲先炸， 屬於誠意之作， 美觀之餘每條蟹柳絲都酥脆， 另外配合沙律醬， 酥脆之餘還食得到鹹鹹香香味道。吉列芝士蝦球 $38入面有一大嚿芝士， 濃濃嘅芝士配上拉絲嘅口感， 蝦肉亦非常彈牙。吉列豬扒丼 $58豬扒厚切但嫩滑多汁， 酥炸皮薄，口感非常好， 豬味亦非常濃郁， 下層滑蛋嫩口， 而且淋上明太子沙律醬， 鹹，脆，嫩，甜，樣樣皆有而融合。甘粟紫薯餅 $18每一啖都會食到有栗子粒， 亦食到紫薯香甜味。雖然是小店， 但是我們叫了幾款

太和個邊好多小店，次次行過都被佢個名吸引住，我諗個店主應該好有性格的同埋好叻煮牛，搵埋個好鐘意食牛的朋友一齊去試下。餐廳的選擇以套餐同小食為主，當眼處就有期間限定，當然要試下牛舌啦。兩個套餐都附送前菜及汽水，先食個粟米野菜沙律，酸酸地好開胃。厚切牛舌芯定食（$98）牛舌每件都切到細細塊，啱哂女士的小咀，有幾件中間帶粉紅色，煮得啱啱好。牛舌芯係牛舌中最滑的部分，少啲食到牛舌硬的部分，非常嫩滑，牛味濃郁，點埋香滑的溫泉蛋汁，滑上加滑，牛加蛋汁令成個飯更香濃。炭燒雞扒拼明太子雞翼飯（$68）兩隻雞翼炸到好香脆，中間雞翼起咗骨釀入明太子雞肉，明太子的咸香令雞翼更野味。炭燒雞扒燒得JUST PERFECT，嫩滑勁肉汁。個飯好特別用咗墨魚汁，加埋雞翼原來好夾，口味很新鮮，超值得一試。兩個套餐飯的量都幾多，女仔食可能有點吃力，但男仔食就一定夠，咁嘅價錢真係幾抵食。蟹籽京蔥玉子燒（$38）我地見MENU都幾多小食選擇，就揀咗呢個玉子燒，賣相好靚，熱辣辣真係要襯熱食。玉子燒整得好靚，每件都好滑，蛋入面加咗好多蔥，表面有勁多蟹籽，同埋沙律醬令玉子燒的味道唔會太單調。

小編經常經外賣平台叫牛脾氣的食物今天在外賣紙袋內收到一張字條~原來餐廳除了跟餐的餐飲外~多送了一罐可樂給我們透過字條末端的可愛公仔圖樣~彷彿能看到店員親切的笑容 非常窩心今次我們叫了3個餐~其中2個是蒜片牛柳粒飯~另一個是汁煮牛肉飯~蒜片牛柳粒飯一如以往牛柳粒很多蒜片~也非常香 是小編喜愛的款式菜色之一另外，之前叫過餐廳的四色雞翼飯和雜錦雞丼配芝士醬，亦非常美味下次會試試一口炸雞球飯