影片
更多
2021-03-14
729 瀏覽
鍾意食千層嘅我向來主要幫襯大連鎖店同旺角小店，兩間都寫過食評，今次試下呢間新野（對我嚟講係新😅）地點位於觀塘工廠大廈，可能對好多人嚟講就唔方便，不過我住東九，久唔久都去觀塘食下野，出電梯先知，原來之前嚟過，因為斜對面係一間食千層蛋糕好出名嘅舖頭，早兩年食過一次😐，呢間小店就再入啲，行到差唔多走廊嘅盡頭。舖好細，無堂食，星期日12:30去到人唔多，前面有一個客人買緊，跟住就到我，凍櫃一眼睇得好清楚今日有咩款，有芒果，伯爵茶，玫瑰……其實睇得出佢啲款係同連鎖店相同，呢點有少少唔欣賞🤔，因為應該要尊重copy right , 如果有自己外型會有性格啲，再唔係做最普通簡單有實力就可以了。喺好多款之中我地揀咗抹茶流心同粒粒紫薯，分別係38蚊同32蚊👍，價錢同連鎖店相比只需一半，不過當然無得比，因為人地舖租貴，又有得look咭，仲送埋冰袋，反而同旺角小店相似，因為都係有我最愛嘅抹茶流心，只收現金，而價錢都差唔多。兩件我要求獨立放，因為要坐車怕側咗影響味道，我自己帶咗冰袋，所以唔怕溶，方便又環保，返到屋企個樣都keep得幾靚😍，入盒再用釘釘好，幾穩陣。試咗個抹茶先，打開好香😋，size 好似相比旺角
地點位於觀塘工廠大廈，可能對好多人嚟講就唔方便，不過我住東九，久唔久都去觀塘食下野，出電梯先知，原來之前嚟過，因為斜對面係一間食千層蛋糕好出名嘅舖頭，早兩年食過一次😐，呢間小店就再入啲，行到差唔多走廊嘅盡頭。
舖好細，無堂食，星期日12:30去到人唔多，前面有一個客人買緊，跟住就到我，凍櫃一眼睇得好清楚今日有咩款，有芒果，伯爵茶，玫瑰……其實睇得出佢啲款係同連鎖店相同，呢點有少少唔欣賞🤔，因為應該要尊重copy right , 如果有自己外型會有性格啲，再唔係做最普通簡單有實力就可以了。
喺好多款之中我地揀咗抹茶流心同粒粒紫薯，分別係38蚊同32蚊👍，價錢同連鎖店相比只需一半，不過當然無得比，因為人地舖租貴，又有得look咭，仲送埋冰袋，反而同旺角小店相似，因為都係有我最愛嘅抹茶流心，只收現金，而價錢都差唔多。
兩件我要求獨立放，因為要坐車怕側咗影響味道，我自己帶咗冰袋，所以唔怕溶，方便又環保，返到屋企個樣都keep得幾靚😍，入盒再用釘釘好，幾穩陣。
試咗個抹茶先，打開好香😋，size 好似相比旺角嗰間細少少，面係cream , 而人地係抹茶粉，有啲唔同，叉落去抹茶就流出嚟了，好香，千層亦好有層次，奶味重，整體都幾有水準🌟，性價比高💗。
紫薯顏色唔鮮豔嘅🍠，食落層次更分明，不過就食唔倒粒粒而且cream多咗啲，千層手工多賣32蚊真係良心價，凍櫃見倒原個蛋糕都係二百幾蚊下次會想試下😍
張貼
