影片
更多
2023-10-20
1799 瀏覽
介紹返💁🏻♀️。。🇰🇷 韓國菜 在旺角 🇰🇷。韓川 Han Chuan。旺角通菜街27號地舖。精選二人套餐精選海鮮真露焗蜆+韓川菜包燒肉韓川菜包五花腩+小食韓式炸餃拼盤 - 泡菜餃/雞皮餃子/粉絲餃 各@2pcs (Aditional HKD20)+主食韓式芝士溫泉蛋鰻魚蓋飯(Aditional HKD20)+韓國 Demisoda有汽特飲@2pcs。HKD398 + 10%🤫 尋晚同好耐冇見嘅阿G聚吓Gal’s Talk吓..大大話話都已經三個月冇見啦..時間過得真係快～咁食飯呢家嘢出旺角就最方便㗎啦..多嘢食揀又可以順便入返啲貨返屋企咁..我哋今次揀咗食韓嘢..呢間韓川有個二人Set四嚿水有海鮮有韓燒仲有石鍋飯同小食好似好抵咁..就食呢個～🤫 韓川個場都唔算細..坐滿人都仲有空間感..韓風嘅Deco成件事係舒服𣈱飲feel🍻我哋QR code落單無耐嘢食陸續到齊🤫 本身小食嗰Part唔加廿蚊嘅話會有泡菜或者雞皮餃子四隻..但係我哋隻隻餃子都想試所以要咗個韓式炸餃拼盤..啲餃ss都炸得幾好..唔會滴哂油咁相當乾爽..餡料亦都好足..唔食得辣嘅我都食到個Kimchi餃..餡料除咗泡菜仲
。
。
🇰🇷 韓國菜 在旺角 🇰🇷
。韓川 Han Chuan
。旺角通菜街27號地舖
。
精選二人套餐
精選海鮮
真露焗蜆
+
韓川菜包燒肉
韓川菜包五花腩
+
小食
韓式炸餃拼盤 -
泡菜餃/雞皮餃子/粉絲餃 各@2pcs
(Aditional HKD20)
+
主食
韓式芝士溫泉蛋鰻魚蓋飯
(Aditional HKD20)
+
韓國 Demisoda有汽特飲@2pcs
。HKD398 + 10%
🤫 尋晚同好耐冇見嘅阿G聚吓Gal’s Talk吓..大大話話都已經三個月冇見啦..時間過得真係快～咁食飯呢家嘢出旺角就最方便㗎啦..多嘢食揀又可以順便入返啲貨返屋企咁..我哋今次揀咗食韓嘢..呢間韓川有個二人Set四嚿水有海鮮有韓燒仲有石鍋飯同小食好似好抵咁..就食呢個～
🤫 韓川個場都唔算細..坐滿人都仲有空間感..韓風嘅Deco成件事係舒服𣈱飲feel🍻我哋QR code落單無耐嘢食陸續到齊
🤫 本身小食嗰Part唔加廿蚊嘅話會有泡菜或者雞皮餃子四隻..但係我哋隻隻餃子都想試所以要咗個韓式炸餃拼盤..啲餃ss都炸得幾好..唔會滴哂油咁相當乾爽..餡料亦都好足..唔食得辣嘅我都食到個Kimchi餃..餡料除咗泡菜仲有豬肉碎都幾有口感..而三種餃入面我最鐘意嘅就係雞皮餃..雞皮真係好香脆好有咬口
🤫 然後五花腩好大一份..有三大條..用一個保暖鑊仔上枱..比較特別嘅係五花腩嘅調味係孜然粉..味道都幾濃..配上生菜Kimchi同醃洋蔥等等味道剛好..而且好飽肚..感覺夠三個人食🤭
🤫 再嚟就係期待已久嘅真露焗蜆..哩個簡直係必食..蜆仔細細蒜味勁入味..再加上酒精蒸發得七七八八嘅真露帶有微微嘅甜..真心好味..而底下嘅韓式粉絲就更加係吸收哂啲日月精華.. 成個鑊仔唔駛一陣已經清到照到鏡🤭
🤫 最後..主食我哋又加多廿蚊要芝士溫泉蛋鰻魚蓋飯..蓋飯都係石頭鍋上..滾熱辣上枱..半熟溫泉蛋同熔岩芝士溶合咗一齊..下面除咗大大塊厚切鰻魚之外仲有大量菠菜粟米同Kimchi..仲有啲白蘿白粒粒..豐富之餘其實肉類蔬菜都幾均衡..好味道得嚟都幾健康..怪唔得見到幾枱中學生年輕人都係平平哋一人一個石頭鍋飯啦～
🤫 雖然飲品選擇唔算太多..都係以罐裝或者支裝啤酒為主..不過以呢個價錢咁多嘢食有包埋嘢飲..其實絕對係畫龍眼睛..然後餐廳雖然都幾多客人..但係都冇話限死幾耐一定要埋單離枱..所以算係幾好嘅食飯聚舊飲嘢吹水嘅好選擇～
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
張貼
