影片
更多
2023-05-22
818 瀏覽
介紹返💁🏻♀️。。🇯🇵 沾麵 在鰂魚涌 🇯🇵。神山麺屋 Kanzan Menya。新聲大廈地下AK及B號舖。白神山叉燒拉麵 Shiro Kanzan BBQ Pork Ramen。HKD78 + 10%神山豚角沾汁麵 Kanzan Tsukemen。HKD88 + 10%Additional Topping 低溫叉燒 Slow Cook Pork。HKD20 + 10%神山手造餃子 Kanzan Gyoza。HKD38 + 10%神山炸雞 配芥末醬Kanzan Deep Fried Chicken with Wasabi Salad Sauce 。HKD42 + 10%蒜香魷魚鬚 Fried Squid with Garlic 。HKD42 + 10%蘆筍牛肉卷 Asparagus & Beef Roll。HKD45 + 10%🤫 啱啱嗰個禮拜二同飯腳仔撐枱腳放工出尖沙咀食拉麵～點解特登出尖沙咀?係呀～我係慕名而嚟㗎..我想去試前排成日見到IG有人介紹嘅東京過江龍神山麺屋最出名嘅沾麵吖嘛😎🤫 大概七點左右到店已經半場坐滿..我哋被安排坐比較入邊嘅卡位..放眼望去..神山麺屋鋪面唔大..
。
。
🇯🇵 沾麵 在鰂魚涌 🇯🇵
。神山麺屋 Kanzan Menya
。新聲大廈地下AK及B號舖
。
白神山叉燒拉麵
Shiro Kanzan BBQ Pork Ramen
。HKD78 + 10%
神山豚角沾汁麵 Kanzan Tsukemen
。HKD88 + 10%
Additional Topping
低溫叉燒 Slow Cook Pork
。HKD20 + 10%
神山手造餃子 Kanzan Gyoza
。HKD38 + 10%
神山炸雞 配芥末醬
Kanzan Deep Fried Chicken with Wasabi Salad Sauce
。HKD42 + 10%
蒜香魷魚鬚 Fried Squid with Garlic
。HKD42 + 10%
蘆筍牛肉卷 Asparagus & Beef Roll
。HKD45 + 10%
🤫 啱啱嗰個禮拜二同飯腳仔撐枱腳放工出尖沙咀食拉麵～點解特登出尖沙咀?係呀～我係慕名而嚟㗎..我想去試前排成日見到IG有人介紹嘅東京過江龍神山麺屋最出名嘅沾麵吖嘛😎
🤫 大概七點左右到店已經半場坐滿..我哋被安排坐比較入邊嘅卡位..放眼望去..神山麺屋鋪面唔大..但係座位各具特色..有拉麵嘅吧枱位..又有好適合打卡嘅二人高枱位..仲有我而家坐嘅四人卡位..同埋側邊一細行普通座位
🤫 飯腳仔同我一人一個麵..另外再加咗好幾個小食..今餐真係堅豐富～我決定由小食起開始介紹..第一樣介紹嘅係各樣小食裏邊我最鍾意嘅蘆筍牛肉卷..蘆筍幼嫩爽口冇根而牛肉薄片亦都煎得啱啱好..調味方面相當惹味..令人一吃再吃
🤫 然後佢哋嘅餃子底皮煎得香脆兼且皮薄..一啖咬開有爆汁效果..再嚟就係飯腳仔最欣賞嘅魷魚鬚..呢度嘅魷魚鬚並唔係茶樓嗰啲酥炸魷魚鬚..而係蒜蓉汁燒..蒜蓉味香濃入味..魷魚鬚都幾新鮮彈牙..上邊再輕輕加咗啲芥末醬簡直係畫龍點睛
🤫 最後嘅小食..神山炸雞新鮮滾熱辣上枱..非常之香脆又唔會話太過油膩..輕輕嘅芥末醬調味就已經相得益彰..最緊要係旁邊仲有一定份量嘅蔬菜沙律..成件事即刻Refresh咗
🤫 再嚟就係重頭戲神山拉麵～我嘅豚角沾汁麵..先唔講味道..其實出邊街真係好少有質素咁好嘅沾麵賣九十蚊有找😂真心抵食..而且份量驚人..沾麵同湯麵嘅麵底係唔同㗎..沾麵嘅麵比湯麵兩倍粗身而且有坑紋..可以完全掛湯..然後麵質彈牙有口感..豚角燒到非常之焦香而且有兩大嚿..能夠做到入口鬆化肥瘦均勻..真心正斗
🤫 而飯腳仔嘅白神山叉燒拉麵亦都相當唔錯..中幼身嘅麵條配味道香濃嘅白湯..叉燒雖然薄但係好大塊以慢煮嘅烹調方法製成..有微微嘅鹹香..好味到飯腳仔要加碼多一份..另外一個重點就係～佢哋每碗麵都有全隻流心蛋㗎😆
。。
翻兜指數：🙆🏻♀🙆🏻♀️🙆🏻♀️️🙆🏻♀️ （5個🙆🏻♀️為翻兜爆燈）
。。
張貼