新桂香燒臘

營業中

休息中

一直以來，以為大榮華拖地义燒係全港最好味，直到朋友介紹（KOL 介紹前），仲諗住有咩巴支閉，會唔會名氣大過味道。前前後後食了三次，大概每隔個半月左右食一次，每次都叫半肥瘦。斬料師傅無話呃人，明明係瘦都叫肥。三次都真係半肥瘦，見到其他人的食評話好瘦好乾，我又好彩未試過。其中有次排隊，見到前面（應該係街坊）拎住密實盒去買，d 斬料師傅都唔嫌麻煩又唔黑面，環保先峰👍。味道係正的，入口有蜜味，然後食到豬肉係爽肉，唔係晦個種。义燒汁好正，唔會死咸。至於鋪頭店員唔禮貌，粗聲粗氣就一定了，不過都會維持秩序，見到有人想打尖都會叫停"人地都排隊排好耐架"咁樣耍走打尖客，正常囉，唔好期貨係酒店式服務。