森．湯咖哩 (已結業)

收工經過中海日升中心，見到樓下有個廣告牌，見到“2樓” “試業” “北海道”，再一次記起2樓我最愛果間日本菜結左業。終於有新鋪頂上，試業期間仲有8折，咁緊係試試佢，試下個晚餐。由於廣告牌無寫任何價錢，初頭都諗會唔會係貴價餐廳，但8折應該都值得一試。上到去，餐廳光猛，擺位闊洛舒服。掃完QRcode 知道每個餐原價100 - 130, 都唔算太貴。試左雞叉燒湯咖喱（8折後$86），本身包1個白飯，唔跟飲品。湯咖喱有幾款蔬菜係到，大部份都清甜，印象較深係南瓜，紅蘿蔔，粟米仔特別甜。雞叉燒味道唔錯，都嫰滑。但湯咖喱並無存在感，我選了原味咖哩，味道不濃不辣不甜，蔬菜/肉亦沒有吸收任何醬汁，有和沒有都沒太大分別。飯的質感不錯。可惜以上一切都比個菜既“溫度”減左50%分。上餐時個鐵鍋係有煙，滿心期待熱辣辣，食落去只係微暖，如同兩餸飯帶回公司的溫度。堂食就係想食熱野，大感失望。然後個小蕃茄係冰凍，似由雪櫃剛拿出來，同鍋上的煙成極大反差。可能是試業失手？ 期望日後會再進步。以觀塘來說，8折後可以作為午間飯堂，但原價的話就未值考慮了。