洪記潮州滷味 (已結業)

今日下午去土瓜灣送文件之後就可以放工啦！經過北帝街見到有間新開張店，原來是賣滷水鵝滷味等。很久沒有吃過又見大排長龍，一於買返屋企加餸啦！滷水鵝、滷水鴨非常大隻好吸引，脹卜卜很飽滿，而枱面就有豬手、豬頸肉、豬大腸、豬腩肉、豬耳、豬脷、豬肚、鵝腸、鵝肝等等。任君選擇滷水鴨掌鴨翼鴨翼夠大隻啖啖肉，滷水味很香很濃，鴨掌很爽脆，師傅斬開一半很細心。滷水鴨舌鴨舌係我至愛，越吃越想吃不會太咸只會上癮。哈哈！墨魚夠爽唔會韌，鮮甜又彈牙配合醬汁更加惹味。