影片
更多
2024-03-30
715 瀏覽
同朋友行街差唔多食晚飯，上網見到推薦同評分望落都幾好，點知伏到喊本身入到黎都幾好既，環境好坐得舒服，周圍既日本車票裝飾都幾靚，見到日本車站名既貼紙都好有趣，但係落左單之後真係好後悔叫左100g豚同牛既組合，另外叫左炸雞同野飲野飲冇問題，首先講返個餐先個餐我等左半個鐘，其實我想問，呢幾樣野需要半個鐘黎搞咩？約7點半入座，接近8點先送到，而且現場唔超過10個客人，連罐野飲都要過左10分鐘先送過黎，乜唔係雪櫃拎罐野飲就得啦咩？個飯凍冰冰硬硬地，落左燒肉汁撈又落黑椒落七味粉燒埋肉一齊食先勉強食到湯同泡菜正常發揮但個肉先係最大既問題唔知張相睇唔睇得出，但我食既時候係好明顯咁見到冰渣上面，舊肉勁硬，好似岩岩係凍肉鋪買完未解凍好，到底等左半個鐘係等咩？係隔離街市拎返黎？肥膏方面豬既話還好，但牛既肥膏真係有少少多，燒係時候個牛肉因為肥膏縮埋一舊，唔講以為你依家整緊牛油。見到唔少食評都話唔大油煙食完唔會成身燒肉味好好，緊係啦，你d肉乜味都冇食落同擦膠有咩分別？係個蒜香牛油醬都幾香，靠調味料先叫係擺到落口。落黑胡椒既調味罐爛左就咁拎膠紙痴，連我朋友個罐都係，可惜冇影到相。個炸雞正價$31，跟餐叫$21有6
本身入到黎都幾好既，環境好坐得舒服，周圍既日本車票裝飾都幾靚，見到日本車站名既貼紙都好有趣，但係落左單之後真係好後悔
叫左100g豚同牛既組合，另外叫左炸雞同野飲
野飲冇問題，首先講返個餐先
12 瀏覽
0 讚好
0 留言
個餐我等左半個鐘，其實我想問，呢幾樣野需要半個鐘黎搞咩？約7點半入座，接近8點先送到，而且現場唔超過10個客人，連罐野飲都要過左10分鐘先送過黎，乜唔係雪櫃拎罐野飲就得啦咩？
個飯凍冰冰硬硬地，落左燒肉汁撈又落黑椒落七味粉燒埋肉一齊食先勉強食到
湯同泡菜正常發揮
但個肉先係最大既問題
唔知張相睇唔睇得出，但我食既時候係好明顯咁見到冰渣上面，舊肉勁硬，好似岩岩係凍肉鋪買完未解凍好，到底等左半個鐘係等咩？係隔離街市拎返黎？肥膏方面豬既話還好，但牛既肥膏真係有少少多，燒係時候個牛肉因為肥膏縮埋一舊，唔講以為你依家整緊牛油。
見到唔少食評都話唔大油煙食完唔會成身燒肉味好好，緊係啦，你d肉乜味都冇食落同擦膠有咩分別？係個蒜香牛油醬都幾香，靠調味料先叫係擺到落口。落黑胡椒既調味罐爛左就咁拎膠紙痴，連我朋友個罐都係，可惜冇影到相。
4 瀏覽
0 讚好
0 留言
個炸雞正價$31，跟餐叫$21有6舊張圖我唔記得食左一舊先影，遲過個餐隔左一陣先上
係熱既，個皮唔算太脆……個肉擺到入口，但係唔係好feel到肉味，如果我食其他餐廳一定覺得舊炸雞唔好食，但同呢間鋪d未解凍既肉比較已經算好
沙律醬冇特別，因為都係出面買
食完成餐飯唔知自己擺左咩落口，食過其他一人燒肉店既肉係會事先腌好，燒完唔落調味料都已經有味
但呢間每舊肉都要靠燒完點醬先有味，唔知係咪因為d肉未解凍好，但我真係冇諗過燒肉都可以咁難食，諗住小店有特別，點知咁伏
最後埋單加一$85
我唔明加一既意義係邊，服務既地方只有拎個餐過黎同幫我地賣單，我個fd拎到餐既時候店員有幫佢開爐同教佢用，我係完全冇，自己開爐。雖然自己開爐好平常，但呢間鋪要加一，所以感覺有少少奇怪。
臨走之前，坐卡位既兩個姐姐突然之間叫有曱甴，有個店員有去幫手捉，但食到一半有曱甴走出黎都幾恐怖……但冇見到唔肯定係咪真
店員基本上都係內場搞，係送餐既時候先派1-2個人出去，入鋪時係冇人接待的，d位任坐
等餐時見到內場廚房keep住整緊野食，但睇唔到整緊咩……d肉唔係應該準備好曬啦咩？
最後啦，真係唔明點解咁多好評，間鋪上網搵係2023年10月尾開張，唔少食評都係個段時間寫，可能開鋪時既質素好好啦，但我今次食真係feel唔到，全餐最好食既居然係等左10分鐘先拎到既野飲
85蚊當交左智商稅，見到唔少人食$308高級少少既餐，但d相影出黎個肥膏咁鬼多，居然話油脂滿滿好幸福，雪花同埋肥膏唔識分？300蚊我都食到其他鋪平價既燒肉放題囉
今次冇叫丼飯，見到唔少人話都話好食，就咁睇大家影既相都OK既
但原諒我真係比唔到第二次機會比呢間鋪。
張貼
