大自然素食 (已搬遷) 新店位置

忽發奇想食素菜，茶木又太多人唔想等位，就迫左女朋友陪我食。無端端黎左碟車厘茄，女朋友以為好似茶樓咁要收錢，同職員講話唔要，點知係免費，哈哈。食落又幾好味，用蕃汁同糖煮過，如果去埋皮就仲好。D茶估唔到係玄米茶，好香，感覺好似D嘢會好好食咁，就忍唔住叫多D。前菜叫左個雞絲粉皮，我覺得都OK，但女朋友話個汁唔得，佢既要求係好難達到，食一啖就唔食。又叫左個豆腐(霸王西施)，好夠凍, 但如果上面係肉鬆會好D。仲叫左個香草牛油野菌卷，呢個好淡味，女朋友話唔OK，淨係食旁邊D沙律。主菜叫左個鮮茄濃湯拉麵跟炸豬扒, 個炸豬扒就真係唔似炸豬扒, 好似D 蟹肉壓埋左咁, 鮮茄濃湯好淡, 拉麵口感不是太好最後送左個甜品紅豆沙, 都幾好食, 佢送既嘢反而都幾有質素。