616牛肉火鍋專門店 (三陂坊) (已結業)

平時多數都係夜晚打邊爐, 今日小妹放假patpat痕想打, 於是就約朋友去左616! 我地揀左午市套餐嘅獨樂樂小火鍋, 一人一鍋, 分別有唔辣嘅理想點鮮同熔岩沙嗲湯底, 而辣嘅有鮮牛油麻辣湯底同青花椒辣湯, 肉類就可以係俄羅斯封門柳, 俄羅斯金花趾, 牛駝峰同滑尾龍入面四揀一, 仲有其他配料例如娃娃菜, 金菇, 蛋餃, 牛丸, 貢丸, 帆立貝! 而澱粉質方面就有白飯, 烏冬同公仔麵, 識揀就要揀白飯撈埋佢個秘製牛肉汁, 咁就perfect池! 因為而家做緊午市正價火鍋食物8折, 所以我地仲叫多左兩碟唔同部位嘅牛肉🤭 醬料方面係擺係出面自助的, 個人最愛口味係醬油加大量指天椒, 芫荽同大約5個嘅青檸汁, 絕對會畫龍點睛!🌟自家製菊花桂圓露🌟自家製烏梅汁火鍋湯底🌟理想點“鮮”用左大量新鮮牛骨同牛腩慢火熬製而成, 入面仲加左洋蔥, 白蘿蔔等蔬菜帶出牛肉嘅鮮甜味🌟青花辣椒湯同平時食開果種麻辣唔同, 味道唔算好辣, 食落清清地幾香, 屬於一種清辣嘅感覺, 辣而不膩🌟俄羅斯封門柳封門柳位於牛嘅腹腔, 肉質軟腍, 牛肉味極為濃郁!🌟俄羅斯金花趾金花趾位於牛後腿肌腱嘅中心部份, 口感爽脆而且彈牙🌟蘇格