616牛肉火鍋專門店 (三陂坊) (已結業)

耐唔耐就會食嘅616每碟都細細碟 可以試到好多唔同部位🐮 最正係個牛肉汁🥹撈出前一丁 真係不得了食極都唔厭牛骨清湯 $62清清哋 帶少少甜味 用嚟淥牛一流 極上和牛 $55唔知幾時開始有和牛價錢同其他牛都差唔多 望落都靚靚仔仔肉質軟腍 又有肉味 所以encore咗一碟胸口膀 $48淥一淥就好爽口牛舌 $48幾有口感 都唔錯雙層肉 $68牛上肋 $68兩款嘅油脂都比較重 係我幾鐘意嘅部位手打牛筋丸 (半打) $30爽口彈牙 咬落仲好juicy手打墨魚滑 $50手打蝦滑 $502款都彈牙嘅 純粹個人鐘意墨魚滑多啲:)黑柏葉 $58台式蛋餃 $38黑豚濃湯餃 $38響鈴 $28炸魚皮 $28娃娃菜 $28 唐生菜 $28正常打邊爐質素啦出前一丁 $12要再講多次 牛肉汁配個出前一丁 真係不得了每次都一定會食…Read More

已經係第唔知幾次食, 好快就安排位置, 第一次過地下, 可惜係有少少逼..枱與枱之間位置唔太夠, 除左好難出入, 傾計都唔太方便. 如果靜靜地食野就無咩問題的~今次揀左鴛鴦麻辣牛骨湯~ 湯底濃厚入味, 足料! 每次都一定食牛肩胛, 肩胛翼板同封門柳! 牛好新鮮, 唔會係雪藏, 完全無雪味.另外手打墨魚滑同炸魚皮都係必食, 好好味!單叫打邊爐黎講價錢份量算係性價比幾高, 正常價位高質牛肉~環境乾淨, 店員態度都幾好~ 每次用餐體驗都唔錯, 座位唔會放到咁逼就直頭100分呀!!…Read More

夏天去打邊爐就要搵間好坐冷氣涼嘅餐廳。另外最重要更係牛肉質素啦。要食得招積就連牛肉都要分唔同產地，仲有食啲唔同嘅刁鑽部位。嚟616就啱晒啦。今次主要係叫咗五款唔同嘅牛肉部位慢慢食。幾十蚊就有一碟好抵食。信州和牛肩胛部位位於牛隻的前方，肩膀處，整塊肉大概佔了牛肉的30%的重量，非常的大，係一個時常運動的部位，所以肌肉發達，筋多，結實，味道豐富。安格斯-橫隔肌又稱封門柳，係咁多款是最有肉味，其部位特性軟嫩、多汁、牛肉味十分濃厚，相對的脂肪較少。肩胛翼板都係肩胛部份，但翼板油脂含量均勻，筋比較少，是肩胛部位相對柔軟的部位，口感類似牛小排，纖維也比較細匙柄匙柄是指匙仁(頸下)靠下的部位，即在肋骨之下，產量較匙仁稍大。匙柄切成大片，無論肥瘦，中間會有一條明顯的肉筋紋路，像鑰匙柄一樣，入口柔軟又超彈，極有拉伸感。吊龍伴牛脊背上一長條肉，吊龍伴即吊龍下面那一小部分的肉。因為帶了些肥肉比吊龍更加香滑可口，但同樣細嚼無渣。仲有其他牛肉餃、牛丸等但已經食唔落，呢餐全牛宴真係開眼界。…Read More

我來為大家分享一下對616牛肉鍋火鍋專門店嘅食評啦！首先，呢間店嘅招牌菜「蟲草花冬瓜牛肉鍋」真係非常出色。佢嘅湯底清甜，加上蟲草花嘅香味同埋冬瓜嘅甜味，令味覺感受到非常豐富。牛肉都非常鮮嫩，而且肉質唔會太厚，啱啱好。食完之後，感覺身體裏面都暖暖地，好舒服。貢丸同埋蝦滑都係熱門小食，味道都好好。貢丸嘅彈牙口感同埋蝦滑嘅鮮美味道，都令人回味無窮，好適合當做下酒小食或者喺火鍋之外嘅選擇。最後，我地嚟到呢間店，當然唔可以錯過信州和牛啦！信州和牛係一款高級和牛，肉質鮮嫩同埋有豐富嘅油花，入口即化。如果你係一個嚮往高級食材嘅人，信州和牛一定唔可以錯過呀。總括而言，616牛肉鍋火鍋專門店嘅食物質素非常之高，湯底清甜，肉質鮮美，配料豐富，味道鮮美，令人回味無窮。如果你係一個火鍋控，一定唔可以錯過呢間店啦！…Read More

616牛肉火鍋專門店經常喺全港九新界見到不同分店，但就一次都冇試過，想嘆住冷氣打邊爐，決定去荃灣616打邊爐～要等火鍋滾起都要需要一定時間，先嗌個小食醉雞捲慢慢等其他野食先，醉雞捲酒味重，份量亦頗多，凍雞亦唔會有雞腥味，推薦～湯底方面我就嗌左佢期間限定嘅蟲草花冬瓜牛肉鍋，本來以為只有少許蟲草花及冬瓜加牛肉湯，點知裏面都有頗多份量嘅冬瓜塊及牛肉塊，牛肉好香濃牛味，點醬汁食一流餐廳今期主打日本長野縣直接運到香港嘅信州和牛，之前喺OpenRice睇好似見到佢哋有拼盤，但去到餐廳時職員話拼盤已經冇做，但可以散嗌不同牛肉部位，我哋就嗌咗佢嘅牛肩胛，另外佢仲有牛腹肉及赤身等等選擇日本信州和牛肩胛 - 一上枱已經覺得好impressed，肥瘦相間，好靚嘅雪花紋，份量頗多，而且仲要係親民價$78其他肉類方面，我哋另外仲叫咗熟成加拿大牛肩脊、英國安格斯牛前胸肋、澳洲五花趾，扇貝，除肉類以外，我哋叫咗娃娃菜、雜菌拼盤、白蘿蔔熟成加拿大牛肩脊 - 近肩脊呈大理石油脂花紋的一小部份，21天以上嘅熟成處理，入口香濃，屬牛總必食推薦～英國安格斯牛前胸肋 - 脂肪含量高，油花紋路均勻，肉質細緻柔嫩～澳洲五花趾 - 五花趾筋和紋路比較多而明顯，口感爽脆彈牙，相比其他款式牛肉比較冇咁重油香扇貝 - 餐廳海鮮選擇唔多，除扇貝仲有水魷及蝦滑等等，扇貝一份兩隻，但相對好似冇咁新鮮，牛肉專門店都係食牛肉好啲～值得一提嘅係雜菌拼盤以木盒承載，賣相吸引，入邊嘅雜菌好香，我就試咗用牛肉捲着雜菌，再點牛肉汁，入口鮮甜Overall喺荃灣分店616都算係一個幾好嘅體驗，餐廳座位寬敞，當日去lunch time並唔多人，可以慢慢食，醬料及水係需要自取的，荃灣lunch time 午市八折及唔收加一，另外仲提供午市小鍋套餐，唯一唔好係荃灣分店位置比較難搵，如果大家住新界有興趣都可以去試下～…Read More

今個月又有時段優惠❤️‍🈹可惜罕有牛肉部位組合/ 特選和牛盛已經無曬今次叫左牛骨湯底🥘裡面仲有牛腩、蘿蔔初初味道偏淡，建議滾耐啲，香味會更加出而且自製醬汁一定要落青檸，鮮味up💯❤️個人喜愛: 羽下肉 > 牛駝峰 > 橫隔肌 > 滑尾龍 > 後腿肉> 吊龍伴 > 匙柄*信州和牛後腿肉: 油花少牛肉味又濃，口感結實，有嚼勁*信州和牛羽下肉: 油脂豐富，口感細嫩軟腍*安格斯橫隔肌: 口感腍身易咬，肉質比較鬆散*牛駝峰: 肉味最濃，口感岩岩係軟嫩同結實之間*匙柄: 入口柔軟，不過牛味唔算好香*滑尾龍: 同滑牛差唔多，不過食落更嫩滑同肉味濃*吊龍伴: 肉質嫩，帶微微油香油…Read More

Mushrooms 野菌雙拼 🍄 $38Sweet corn 🌽 粟米 $28Baby Chines cabbage 🥬 娃娃菜 $28野菌雙拼分別有黑色、白色兩款靈芝菇，滲滿牛雜湯嘅鮮甜味，健康入味，而娃娃菜新鮮清甜🌿，份量又足料，性價比好高呀Chrysanthemum Tea with Goji 菊花桂圓露🌼🍹$16清甜滋潤嘅菊花桂圓露有淡淡菊花嘅清香，味道唔會太甜，下火清涼🧊，連埋打邊爐一邊食一邊飲，好match ！Berkshire Jowl steak 黑豚霜降肉 🍖 $68Beef knuckles 胸口膀 $48後面嘅黑豚霜降肉有雪花般嘅紋理，望落去都幾吸眼，煮完之後口感外脆內軟，唔會太硬或者太肥膩😋，而前面嘅胸口膀非常爽口，透明白色嘅肉其實係牛胸口前嘅脂肪帶有少少軟骨同肉🫁，煮十幾秒後食都幾爽脆Drunken chicken wings 花雕醉雞卷 🍶🍗 $38呢一款花雕醉雞卷涼拌小食充滿露酒嘅清香，酒味唔會太重幾容易入口，雞肉口感滑嫩，加埋補血養生嘅杞子，都唔錯啊Deep-fried fish skin 🐟 炸魚皮 $28香脆可口嘅炸魚皮絕對係打邊爐必點嘅小食是一，魚皮炸得口感鬆化脆卜卜🔥，就咁食或者碌落去火鍋湯底食都得Beef offal soup 🐄🍲 牛雜湯底 $82餐廳招牌嘅牛雜湯底用料好足，湯底用牛肚、牛骨、牛筋等唔同部位熬製而成，牛肉味好濃厚又唔會太鹹，配埋芫荽、蔥、洋蔥🧅等配料，暖胃又好飲👍🏻Shinshu wagyu 信州和牛赤身 🥩 $78濃郁牛肉味嘅和牛赤身有大理石油花，好似雪花咁細緻柔美❄️，望落去個Pattern已經好靚✨，食起上嚟入口即溶，甘甜軟嫩🤤，油脂恰到好處，真係好正，值得推介…Read More

任飲任食的火鍋店和單點的火鍋點各有優勝之處，但616可以滿足到兩個願望💛單點份量好適合兩個人食，每碟不同的牛肉部份每人都能分到四至五片，而且價錢非常相宜。最愛在外面調味料區取青檸加入醬油內，令吃牛時不會覺得油膩。老公最愛花雕醉牛，是用酒預先醃製過的滑牛肉，入口有陣陣酒香。湯底最愛牛骨清湯，入面的蘿蔔及牛腩份量多，而且牛腩非常軟淋🐂油趣魚皮是我的最愛！每次都強烈推薦給身邊朋友，麻麻香香又爽口，十分開胃！…Read More

由於男朋友同佢兄弟食完覺得幾好食 所以今日我就帶屋企人黎食下 因為屋企人都好鍾意食牛😚而且聽男朋友講呢到既牛有好多唔同稀有部位都有！醬料 $20@2位牛骨清湯 $62我地梗係叫左原湯 咁先食到牛肉最真既味啦🥰信州和牛肩胛 $78信州和牛都係第一次試 花紋幾靚！安格斯-橫隔肌$48呢個令我最驚喜 本身以為無乜肥肉應該會好韌 點知一啲都唔韌 仲食到小小牛香😚蘇格蘭雪花胸肋 $58呢個有小小肥膏 食落有小小牛油香味～鮮製手打烏冬 $18偏幼身不過仍然有煙韌口感水魷 $48牛舌 $48牛舌好嫩滑彈牙 食落出新鮮 有牛香味😍水蓮菜 $28爽爽脆脆的口感 份量對得住個價錢😗滑尾龍 $48呢個幾特別 雞蛋撈勻咗先放落鍋個到 食落都好滑～菊花桂圓露 $16無乜添加糖嘅感覺 感覺飲完都健康啲！…Read More

夏天打邊爐係常識吧🤭打邊爐想食正嘅牛肉，梗係去616火鍋，最鍾意佢有多款不同部位嘅牛肉，價錢合理，就算兩個人食都可以試到幾款唔同牛肉部位，今次嚟到就試吓日本直送嘅信州和牛，長期糧尾都食得起😂7點鐘已經坐滿晒，好彩樓上仲有位，code落單好方便，上菜速度超快，落完單轉頭就開始上食物👍🏻🎯鴛鴦湯底熔岩沙嗲湯底+牛骨清湯非常濃厚嘅湯底，沙嗲味超濃郁，仲有陣陣花生味，急不及待將炸魚皮放入沙嗲湯底，2秒鐘攞返出嚟，炸魚皮夠脆口，又吸滿湯汁☺️另外牛骨清湯都非常出色，可以嘗到牛肉嘅鮮味😊🎯信州和牛牛肩胛 $78除咗價錢驚喜，和牛入口超級軟腍，今次揀咗牛肩胛，牛肉味道好出，肉質軟腍，仲要係日本直送，都只係$78，真心抵食❤️‍🔥其他不同部位嘅牛肉，包括匙柄$48牛駝峰$48英國安格斯牛前胸肋$58牛上肋$68熟成加拿大牛肩脊$58安格斯橫隔肌$48牛胸膀$48各個部位有唔同嘅口感唔同嘅特色，當中最喜歡😍嘅就係牛胸膀，油香相當重，最適合夾住其他牛肉一齊食，一脆一腍嘅口感好過癮，另外匙柄都好正，肉質香滑有油香👍🏻，一次都試唔哂咁多款😆平時嘅火鍋店都冇咁多牛肉種類可選擇，嚟到616就一次過可以滿足晒其他火鍋配料：稻庭烏冬 、炸魚皮、芋絲、娃娃菜、生菜、金菇、手打墨魚滑，火鍋配料嘅選擇都非常之多以上嘅配料都係為咗配合沙嗲湯底🤭🤣張烏冬放入去沙嗲湯底，湯汁掛係烏冬上面，一個字，正🤩打邊爐梗係唔少得啤酒啦…Read More

616牛肉火鍋專門店 (三陂坊)荃灣三陂坊14-18號安安樓地下C號舖早排同朋友已經黎過荃灣呢間616 打邊爐，覺得非常出色，價錢大眾化之餘，牛肉既種類非常多，各個部位都試到，而且仲好新鮮，所以今日專登帶埋屋企人一齊黎試下我地今日大約7點半黎到餐廳見到已經坐滿晒食客，開頭仲唸住要轉軚改食其他嘢，點知原來店入面仲有2樓，餐廳職員好有禮貌帶左我地上黎，然後就放低左QR Code比我地自己落單，非常方便，而豉油醬料亦都係外面供食客自由配搭今晚最驚喜既就係食左黎自日本信洲牧場既和牛，我地試左牛肩胛位置，非常重牛肉味而且唔會太多筋，口感非常好，大家一定要試下，下次有機會想試埋都係同自同一個牧場既羽下肉同埋牛胸肉。。。而今晚除左和牛之外，我地仲點左匙柄，牛駝峰，牛肩脊，全部靚牛鋪晒出黎真係好吸睛，而且非常新鮮，睇見都流晒口水呀總結餐廳牛肉既質素真係幾高，而且品種夠晒多，岩晒我呢d無牛不歡既人，但如果你唔食牛既可能就未必岩啦。。。除左牛肉之外，餐廳其他火鍋配料個人覺得就正正常常啦，與其他火鍋店食到既相若，有機會既都值得一試…Read More

朋友介紹，第一次，意想不到…除咗好抵食，就係超值；仲要服務態度一流，親切友善專業有禮真誠真摯，無懈可擊！上菜又快又準、環境舒適、冷氣又夠、餐具及其他硬件都乾乾淨淨，仲有個可以放包包嘅收納布盒，好細心！鍾意食牛就啱晒…Read More

放工近近地去荃灣三陂坊，同朋友仔同一個快脆邊爐，今次唔食放題，改食優質 616，平食靚牛肉的火鍋專門店。Happy Friday 最緊要記得訂位！一到晚飯時間就會滿座！因為今期有主打親民價錢的信州和牛，幾十蚊食到日本長野縣直運到香港嘅 信州和牛，堂食限定！喜歡食拼盤可以考慮信州特選和牛盛，食齊信州和牛三大部位：・信州和牛肩胛・信州和牛腹肉・信州和牛赤身信州和牛肩胛朋友prefer單點，最鍾意食和牛肩胛，充滿了天然的脂肪紋理，味道令人陶醉。配搭招牌牛骨清湯，信州和牛肩胛肉散發出濃郁的肉香，質地鮮嫩多汁，咀嚼時感受到豐富的肉汁流動，牛肉的鮮美味道迅速瀰漫開來，吃進口中富有層次感。牛肩胛帶有微妙的甜味，富有自然的鮮味，不會過於油膩，細膩的肉質幾乎可以在舌尖上融化，讓人回味無窮。鴛鴦沙牛湯底打邊爐，最緊要係個湯底，獨特的沙嗲香氣，牛清湯更加係畫龍點睛。滑尾龍肉的口感柔嫩，肉質還具有一定的彈性，沙嗲滑蛋牛肉最啱口味。花雕醉雞卷要珍惜花雕醉雞卷，咁平可以食到一種傳統的中式菜餚，出邊已經好少食到，味道非常獨特，口感鮮嫩多汁，作為冷盤或開胃菜，帶有濃郁的花雕酒香氣。花雕醉牛傳統花雕酒將牛肉與花雕酒相融合，使得牛肉更加鮮美，同時增添了獨特的香氣和風味。攪拌均勻，放落湯滾一陣，花雕醉牛味道醇厚香甜，入口鮮嫩多汁，同時伴隨著花雕酒的香氣和微醺感。匙柄作為主菜搭烏冬、麵食用，口感柔軔，肉味亦都好濃郁，是一道美味的牛肉，風味具有濃郁的香味，增添了口感。牛駝峰雪花紋和油脂豐富，肉質嫩滑，油香肉味平均。清湯牛筋腩食咗咁多牛肉刁鑽部位，最後食返一個清湯牛筋腩，肉質特別肥美鮮甜，必試推介！稻庭鳥冬、公仔麵沙嗲牛肉鳥冬、公仔麵，令人難以抗拒的香港地道美食享受，移民的人最懂！…Read More

之前已經吃過616牛肉火鍋專門店😍牛肉勁新鮮又好吃，價錢又便宜👍🏻知道屋企人想吃火鍋，小編就推薦要吃616👍🏻👍🏻人多就可以試一下鴛鴦湯底，一次過可以試2個湯底😋小編分別點了牛骨清湯和熔岩沙嗲湯底。牛骨清湯味道清甜，最適合吃蔬菜和能吃到牛肉的鮮味。熔岩沙嗲湯底沙嗲味濃郁，非常惹味。特選和牛盛 ＄234616以合理價錢可以吃到由日本直接信州和牛😍特選和牛盛有牛肩胛、牛腹肉和赤身。牛肉勁新鮮，油脂分布平均。三款和牛口感各有不同，小編特別喜歡牛肩胛，入口即溶。牛腹肉帶咀嚼口感。赤身肉質實，有咬口。後腿肉肉質柔軟，肉味純正，油而不膩。小編亦點了安格斯 橫隔肌 $48、牛舌 $48、澳洲五花趾、吊龍伴 $68牛肉餃 $48大大隻，滿滿都是牛肉😍鮮製手打烏冬 $18必點😍口感煙韌，配沙嗲鍋吃一流👍🏻👍🏻…Read More

打邊爐醒靚牛肉是常識吧😌 不過而家物價通脹，好多地方食靚少少嘅牛都要幾百蚊🥲 今日朋友帶我黎呢間有好多分店嘅616牛肉火鍋專門店，竟然唔洗一百蚊就嘆到日本直送嘅信州和牛🤯 咁抵嘅deal一定要去試下啦！鴛鴦沙嗲牛湯底🍲($82) - 先揀湯底，我地揀左沙嗲醒牛肉湯底。牛肉湯有啲似平時清湯腩個湯底咁，幾清甜。沙嗲湯有驚喜😍 佢係極濃郁，有啲似出面食沙嗲牛肉麵嘅醬汁咁，d沙嗲掛哂落d食物度，必食推介👍🏼👍🏼👍🏼信州和牛肩胛🥩($78) - 重點推介嘅信州和牛！開頭見價錢咁平都諗會唔會有伏，答案係完全唔會！齋睇外表已經覺得油花好均勻，用牛湯616可以食到香濃牛味，用沙嗲淥就係超高質嫩口嘅沙嗲牛🥰 滿滿嘅幸福感❤️花鵰醉牛🥩($48) - 醉雞就食得多，醉牛少見！佢係好似生滾牛肉粥嗰啲滑牛，浸落花鵰有輕微酒香，都幾好味😋其他打邊爐材料仲叫左牛筋丸，牛肉餃，蝦滑，烏冬等，每樣都係$20-60蚊，抵食！如果你都係揀沙嗲湯，推介你叫佢地嘅手打烏冬，好夾！最後埋單時發現，竟然唔需要加一，2個人食成10樣野都唔洗$500，性價比超高，下次要多幾個人一齊食多幾款牛😋😋😋…Read More