影片
更多
2011-07-02
383 瀏覽
又係團購時間！今次以１１８蚊去九龍酒店食自助餐！（原價唔記得左不過首先要提既係，酒店既訂位安排好有問題！話說因為購票既係友人，亦因為佢一直都好忙的關係，係２５～２６號先叫我去訂位，打算２７號去食！因為票上寫明至少要一日前去訂位。咁我收到信息後拿拿臨打電話過去，冇人聽！打左幾次都係咁，長響然後第２日又再打過，又係冇人聽２６號都訂唔到位，姐是２７號食唔到！唯有大家再夾過時間但３０號就完喇喎，於是唯有２９／３０號去食，訂到邊日食邊日。點知２７，２８號我又打電話，又係冇人聽，問下友人電話號碼有冇錯，又冇喎！於是友人話等佢自己黎，佢打１０８３問電話。打到去九龍酒店戈度，酒店話幫佢轉駁去倚窗閣，友人同佢說明左情況，我地打左４日都係冇人聽，係味仲要駁過去聽接駁鈴聲？酒店似乎有ｄ難做的語氣，後尾接駁左都係冇人聽，於是酒店就接駁去類似內線既電話，響左幾響就有人聽！餐廳都講左因為最近太多人打電話！（咁就選擇唔聽來逃避？結果３０號滿座！只能食２９號。唔知有冇其他又係買左團購又打電話冇人聽的客人，最後結果會唔會係無疾而終？我覺得呢一種方法真係好有問題，如果真係冇咁多位置接待咁多客人，團購時應該限制人數，如果有
不過首先要提既係，酒店既訂位安排好有問題！
話說因為購票既係友人，亦因為佢一直都好忙的關係，
係２５～２６號先叫我去訂位，打算２７號去食！因為票上寫明至少要一日前去訂位。
咁我收到信息後拿拿臨打電話過去，冇人聽！
打左幾次都係咁，長響然後第２日又再打過，又係冇人聽
２６號都訂唔到位，姐是２７號食唔到！唯有大家再夾過時間
但３０號就完喇喎，於是唯有２９／３０號去食，訂到邊日食邊日。
點知２７，２８號我又打電話，又係冇人聽，問下友人電話號碼有冇錯，又冇喎！
於是友人話等佢自己黎，佢打１０８３問電話。
打到去九龍酒店戈度，酒店話幫佢轉駁去倚窗閣，
友人同佢說明左情況，我地打左４日都係冇人聽，係味仲要駁過去聽接駁鈴聲？
酒店似乎有ｄ難做的語氣，後尾接駁左都係冇人聽，於是酒店就接駁去類似內線既電話，
響左幾響就有人聽！餐廳都講左因為最近太多人打電話！（咁就選擇唔聽來逃避？
結果３０號滿座！只能食２９號。
唔知有冇其他又係買左團購又打電話冇人聽的客人，最後結果會唔會係無疾而終？
我覺得呢一種方法真係好有問題，如果真係冇咁多位置接待咁多客人，
團購時應該限制人數，如果有人買左而又得不到服務，應該向邊個追究？
入正題，食物其實都唔錯既，好新鮮同埋ｒｅｆｉｌｌ速度好快！不過唔知係味因為最後２日，人都比較多，去拎野食左邊一條隊右邊一條隊，
淨返既路真係唔多，（而且當中有好多人唔懂得禮讓）所以難免會發生一ｄ小碰撞。
一坐低，我地幾個就立刻開動去拎野食喇！我首先就拎左ｄ甜品，
芒果布甸，椰汁糕，奶凍，ｏ都ｏ里，朱古力噴泉，雪糕同水果等等，芒果布甸都唔錯，幾鐘意佢隻質地，唔似ｏ都ｏ里
椰汁糕我就唔太鐘意佢隻質地同埋冇咩椰汁味
奶凍上面戈ｄ桃味既汁我都倒左（唔好味），淨食奶凍都唔錯
水果好新鮮，係菠蘿有ｄ酸之外，其他我都冇食。
雪糕：我食左豆腐味同埋芒果味
豆腐味係第一輪就去＂不＂，唔知係味因為未有人食雪糕，冇人排隊可以慢慢＂不＂
不過到我去＂不＂芒果雪糕時就出事啦！
我都已經乖乖地係度排隊，隔離無啦啦有個姨姨企左係度，我以為佢會識得排隊啦，
點知我前面戈個一＂不＂完，佢就即刻拎走＂不＂雪糕支野，
我後面有幾個男人係度排隊，不停係咁望我，好似好唔耐煩咁，
然後戈個姨姨終於＂不＂完，我就拿拿臨拎起支野去＂不＂
跟住個男人拎到支野，我為左就佢位置＂不＂雪糕，都特登去＂不＂其他味
佢就大條道理咁推另一邊既蓋，差ｄ夾到我隻手！我望住佢，佢又望住我，仲係度繼續推個蓋
黎食野姐，洗唔洗搞到同你有仇咁？一ｄ禮貌都冇！
搞到我都廢事再＂不＂，即刻走返埋位生悶氣。
到熟食喇，基本上冇咩野挑剔，因為係普通而又唔難吃的味道（媽媽的味道最好味都係薯蓉同埋牛仔骨！
都不是我攞的左手面幾好吃，係有少少韌，但味道是不錯的右邊有ｄ魚柳，好滑好吃
基本上除左最下面戈個我有份吃之外其他都不是我吃不過一塊塊的芝士唔好味，我諗係我吃不慣都係溶左的好吃ｄ
見到樓下食評有蜜瓜食！我又想食啊
服務生態度非常良好！會主動收野同埋倒水，令到我覺得好舒服
而完結前１５分鐘度，服務生都會主動提你有咩仲要食要快ｄ攞～
叫佢地幫我地影相都永無托手爭值得一讚。
題外話：戈度有個男性服務生好似葛民輝哈哈～
百幾蚊試完就算喇，希望佢只係因為團購而質素唔夠好，如果原價可以食返質素好的自助餐，
相信我是會再來的！
不過人流同埋訂位方面可以做得更好～！服務 - 你１啦～！
張貼
