影片
更多
2016-06-11
12380 瀏覽
天婦羅食得多，但高質嘅天婦羅實在買少見少，就算有亦價錢亦一啲都唔商宜。日本一餐高質嘅天婦羅宴平均作價約五百港元，但香港食就閒閒地都上千。老牌天婦羅店來來去去都係果三兩間，今次搵左間新啲嘅嚟試下。今次點左一個omakase，盛惠＄1280，有16件天婦羅，刺身同埋前菜沙律等等，另一大配角係天丼／天茶。先嚟啖sake，為嚟緊嘅天婦羅作好準備！飲緊sake時師傅見我眼甘甘望住牆上裝飾，原來呢個係真魚標本嚟，日本人用墨嚟記低釣到嘅漁獲我就見得多。但成條做標本真係第一次見，長知識了。第一道前菜，外觀好靚。其實下面嘅係大根嚟，上面鋪左蟹肉同埋海膽。再加上少少上湯，好正。大根多汁鮮甜，軟硬度剛好。配埋蟹肉同海膽兩種鮮甜，我嘅舌頭已經蓄勢待發。刺身三點，深海池魚，帆立貝，北海道馬糞海膽。帆立貝爽甜，食得出係好新鮮。深海池魚嚼下有啖啖油香，餘韻持久。海膽鮮甜味濃，零苦澀味。沙律，無乜特別，似乎係為左之後嘅天婦羅作清新口腔之用。天婦羅主要配鹽或天婦羅汁。天婦羅汁可以跟據個人喜好加入蘿蔔蓉；或者加少許檸檬汁或鹽。一般嚟講，海鮮類比較適合配鹽；多汁嘅蔬菜類主要配天婦羅汁較合適。頭砲，連頭車海老。蝦非常多羔，唔
日本一餐高質嘅天婦羅宴平均作價約五百港元，但香港食就閒閒地都上千。
老牌天婦羅店來來去去都係果三兩間，今次搵左間新啲嘅嚟試下。
今次點左一個omakase，盛惠＄1280，有16件天婦羅，刺身同埋前菜沙律等等，另一大配角係天丼／天茶。
先嚟啖sake，為嚟緊嘅天婦羅作好準備！
飲緊sake時師傅見我眼甘甘望住牆上裝飾，原來呢個係真魚標本嚟，日本人用墨嚟記低釣到嘅漁獲我就見得多。
但成條做標本真係第一次見，長知識了。
第一道前菜，外觀好靚。其實下面嘅係大根嚟，上面鋪左蟹肉同埋海膽。
再加上少少上湯，好正。
大根多汁鮮甜，軟硬度剛好。
配埋蟹肉同海膽兩種鮮甜，我嘅舌頭已經蓄勢待發。
刺身三點，深海池魚，帆立貝，北海道馬糞海膽。帆立貝爽甜，食得出係好新鮮。
深海池魚嚼下有啖啖油香，餘韻持久。
海膽鮮甜味濃，零苦澀味。
沙律，無乜特別，似乎係為左之後嘅天婦羅作清新口腔之用。
天婦羅主要配鹽或天婦羅汁。天婦羅汁可以跟據個人喜好加入蘿蔔蓉；
或者加少許檸檬汁或鹽。
一般嚟講，海鮮類比較適合配鹽；
多汁嘅蔬菜類主要配天婦羅汁較合適。
頭砲，連頭車海老。蝦非常多羔，唔止喺頭度，連蝦身都有羔。
炸漿做得非常薄而唔油膩。
蘆筍，炸漿比起剛才更薄，炸漿緊貼蘆筍。蘆筍本身一啲都唔老，又爽又甜。
呢個要快少少食，因為放耐左係會出水影響脆漿質素。
就咁睇真係唔知呢粒係乜嚟。其實佢係蕃薯仔，好甜好甜好甜。
由於真係好甜，所以要講三次。
口質粉之中有一點點黏口嘅感覺，好特別。
沙錐魚，常見嘅天婦羅用魚類。內質鬆軟，魚味唔算濃郁。
配鹽食可突顯香口之餘，亦不失魚肉鮮味。
櫻花蝦食得多，新鮮嘅真係唔易搵。用新鮮櫻花蝦上粉做成餅狀，未放入口已經被爆炸性嘅香味俘虜。
新鮮櫻花蝦完全無果種比蝦殻吉口嘅感覺，脆口之餘亦能突出鮮蝦肉軟滑嘅口感。
目光魚，相比剛才嘅沙錐魚，呢個魚味濃好多。肉質同樣嫩滑，但有啲骨位會感覺比較硬，雖然可以食到，但相比嫩滑嘅魚肉就明顯感覺到某啲體嘅存在。
粟米，薄切一片，炸完都唔會散開。但食嘅時候又可以一粒粒咁咬出嚟。
粟米好甜而且爽口。
兩樣野，好玩，好味。
之前見有其他食家講過紫蘇蝦同車海老係重覆食材，技窮之表現。今次有幸比我遇到，一試之下其實感覺絕對係兩個截然不同嘅料理。
因為紫蘇葉嘅香味絕對係有效咁影響左蝦嘅原味。
雖然感覺唔係相當驚喜，但呢個配搭盡對值得一試。
舞茸，又係多汁蔬菜，炸功做得好好。完全無出水，外皮保持鬆脆。
舞茸好香，可能由於脆漿關係，保持香氣無流失。
磯煮鮑魚，相當有趣，真係聽都未聽過呢一味天婦羅。鮑魚煮得入味，咬落有溏心感覺。
一啖一隻，好爽好爽～
但記得，呢味唔好醮鹽或者天婦羅汁，本身夠晒味架啦。
青椒仔，番薯仔完又到青椒變左"仔"。椒味好濃，建議唔太鍾意食青椒嘅朋友要提醒師傅，
因為呢個味唔係常人頂得順。
當然，我鍾意食青椒當然不成問題。
蠔炸得半熟，又一個超濕潤食材但唔出水，師傅功力真到家。呢個蠔個人建議用少少檸檬汁就可以。
試左少少鹽感覺蓋過左原有鮮味。
始終食海鮮食本身鮮味已經足夠。
松葉蟹柑啖啖肉，鮮甜且肉質結實。一隻實在唔夠喉。
海鰻作為結尾，其實個人相當期待。海鰻肉質都幾厚，配埋葱碎同七味粉。
七味粉個味相當驚喜，好香而且有辣勁。
同時間又用返少少葱嚟平衡返，有趣！
赤味噌湯，用上昆布清湯加赤味噌煮成。味道比較清淡，昆布清香明顯。
加＄80升級天丼做海膽三文魚籽丼。份量都唔少，海膽軟滑，唔太結實，但甜味就好淜湃。
加埋個份量，一啖又一啖，果種甜味就一直圍住喺條脷度歷久不散。
三文魚籽亦非常鮮甜，一啲都唔鹹。
最後係靜岡蜜瓜同埋白桃凍。蜜瓜超熟，又焾又甜。
白桃凍好正，桃香味濃，一小杯剛剛好。
16件天婦羅，一個小丼，加埋前菜甜品等等。
開頭我仲諗緊會唔會唔飽，始終omakase食嘅時間長，就算量多，都會因為時間太長而變左唔飽。
但今次完全無呢個感覺，食完好飽好滿足。
埋單約千四大元，抵唔抵？同日本比一定唔抵，但呢度係香港，要食就係呢個價位，思鄉病，無法，唯有乖乖掏荷包。
張貼
