燒肉801

營業中

休息中

話說已經係旅遊完日本一段日子，但至今都念念不忘日本燒肉味道，朋友知道荃灣有一間質素唔錯，話可以幫我解決『燒肉之苦』。但我就抱住懷疑態度同朋友去食。見到個餐牌，選擇都好多，而我同朋友就揀左個抵食二人套餐『志盛』，個餐包左牛舌、黑毛和牛霜降小排、黑毛和牛上肩肉、極上厚切牛胸腹柳、蔥鹽味雞腿肉同黑毛豚無骨小排嘅燒肉，另外叫左個冷面解下膩，叫多個海鮮帆立貝。 見到D牛送上黎個下，望落牛肉都好新鮮，而且油花分布平均。成個志盛二人燒肉，最推薦就係黑毛和牛小排，食落啖啖肉汁，一放入口好似溶化咁，完全同拍得仕我係日本燒肉質素。仲有除左牛肉質素高之外，雞腿肉食落都好嫩滑，好入味。而個冷麵，麵條有彈牙口感，係檸檬汁底，食落酸酸甜甜，完全解左燒肉食得多個種『 膩』。最後，估唔到個帆立貝，除左新鮮之外，真係啖啖肉，好好味。今次呢餐燒肉，真係完完全全可以一解我對日本燒肉思念之苦。