i kitchen (已結業)

同老公撐枱腳,所以搵咗間有情調D嘅西餐廳,入到黎環境有少少昏暗，每張枱都點左蠟燭,有少少浪漫氣氛。因為實在太肚餓所以首先就嗌D小食先, 我哋叫咗個炸薯條配黑松露醬同香脆魷魚圈。薯條比我想像中大份好多,新鮮熱辣辣炸,起炸得好香脆同埋本身已經有調味粉,再加埋黑松露沙律醬,好好食,不過就略嫌個沙律醬底偏甜咗少少。香脆魷魚圈一份都有1X舊,外層嘅炸粉唔會太厚,確實係好香脆,配埋泰式甜辣醬, Perfect match。主菜方面老公就叫咗照燒美國穀飼牛肩胛,相反主菜嘅份量唔算太多,有2塊牛肩胛肉,肉質都幾軟淋,切開仲係粉紅色,牛味都算幾突出。而我主菜就揀咗香煎厚切鵝肝牛肝菌意大利飯,意大利飯軟硬度適中,裏面嘅菇菌都幾多。香煎厚切鵝肝都幾大塊,而且煎得外脆內嫩充滿油香,配上意大利飯真係啱啱好。