重慶一哥 (已結業)

中午時段經過觀塘東廣場，見到有一間重慶一哥，專賣麻辣小食，見佢咁多款式應該都唔會差得去邊，最後買咗一盒豬大腸嚟食。返到屋企，第一時間打開嚟食，點知食咗第一啖，臭嘅，豬大腸深透濃烈臭味，好明顯處理唔乾淨冇洗清，真係唔敢相信竟然可以攞出嚟賣。起初我都以為豬大腸係咪咁嘅味，所以搵我屋企人再試，我屋企人一次即刻吐出來，結果成盒食咗兩舊，掉咗。老實講我知道處理豬大腸係好複雜嘅程序，不過你買得就應該自己試吓先，冇理由咁臭你都可以攞出嚟買。