滿福庭

營業中

休息中

朋友極力推介呢間傳統茶樓，點心水準超高！一盅兩件充滿情懷，可以見到日日都超多人，推介以下菜色～ ✨ 鮑汁雞腳雞腳燜到超軟腍，鮑汁濃郁到黐嘴唇～膠質滿滿食完嘴黏黏，骨頭都入味到吮手指，配壺普洱解膩啱晒！ ✨ 月半彎水晶鮮蝦餃皇🦐 皮薄到透光見蝦！蝦肉爽脆彈牙，包咗超大一隻蝦，咬落爆汁鮮甜～水晶皮煙韌唔黏牙，絕對係點心界MVP！ ✨ 蒜茸粉絲蒸元貝❤️ 元貝大隻厚肉，蒸得啱啱好保留咗鮮甜海味！蒜茸香氣撲鼻，粉絲吸晒精華汁液，入口滑溜又惹味，海鮮控必試！ ✨ 半肥不瘦叉燒腸腸粉皮薄滑溜，叉燒肥瘦比例完美～蜜汁香甜滲透米漿，加埋豉油微微鹹香，一啖接一啖停唔到口！