日月堂

營業中

休息中

前排同朋友去觀塘，咁岩想食台灣菜，朋友推介呢間台灣餐廳；當日係星期六七點前，餐廳嘅座位都差唔多全滿，都好多人幫襯。餐廳座位都好寬敞，坐得都幾舒服。🍜牛三寶麵👍牛三寶面包含牛腱肉、牛筋、牛肋條，當中最鍾意牛筋，炆得非常淋同入味，刀削面亦都非常彈牙，湯底味道非常香濃，牛同面嘅份量都非常多。🥢炸鹽酥雞👍鹽酥雞都幾大件，每件都炸得非常香脆，但內裡非常juicy同嫩滑，鍾意重味啲嘅可以落埋鹽酥粉一齊食。🍜麻辣鴨血麵👍原本見到麻辣都好驚會好辣，但好彩都唔係好辣，比起辣，湯底更重花椒味；鴨血都非常嫩滑同入味，份量都非常多。🥢蚵仔煎蚵仔煎嘅味道同喺台灣夜市食嘅一樣，外皮呈微焦，口感Q彈帶嚼勁，再配上新鮮嘅蚵仔同醬汁，味道更豐富。🧋凍黑糖珍珠奶茶珍珠嘅份量都幾多，同時口感帶有嚼勁，奶茶嘅味道都非常重茶味。