影片
更多
2021-12-11
998 瀏覽
星期六唔使返工，跑完步就兩口子一齊去飲茶。平日多數會揀港島區嘅食肆，今日就嚟試下鱷魚恤中心 7/F 呢間「滿福庭」。聽講間酒樓已經開左成年，不過入到去見到裝修仍然好新淨，佈置華麗，全場無柱，而且環境光猛，樓底又夠高，坐得十分舒服。點心嘅價錢都好合理，很多都是賣三、四十元，如果 8am – 11am 入座，仲會有一些特價嘅精美早點供應，唔怪得侍應話星期六日經常滿座。酥炸鯪魚球 ($28.8) 一碟有 5 粒，粒粒都好似乒乓波咁大，肉質紮實彈牙，唔腥又無碎骨，入口甘香爽滑，一定要配埋旁邊的蜆芥醬一齊食，能吊出魚肉的鮮香滋味。九製陳皮叉燒酥 ($32.8) 外層嘅酥皮很鬆化，入口有好重牛油香味。入面嘅叉燒切得大小均勻，夾埋面頭嘅粒粒陳皮一齊食，微咸帶酸，可以平衡番叉燒嘅油膩感。蒜香荷塘蓮藕餅 ($32.8) 蓮藕餅用料十足，以豬肉、蓮藕、馬蹄等混合後煎香，入口清甜爽脆，滿口肉香。醬皇荔芋鴨腳扎 ($36.8) 好耐無食過咁懷舊嘅點心，鴨腳用蠔油烹煮過，食落好入味，但又唔會死鹹。芋頭粉糯軟綿，夾埋腐皮、豬肉等一齊食，層次豐富，非常惹味。脆皮腩仔飯 ($55) 腩仔同飯分開盛載，腩仔分
星期六唔使返工，跑完步就兩口子一齊去飲茶。平日多數會揀港島區嘅食肆，今日就嚟試下鱷魚恤中心 7/F 呢間「滿福庭」。
聽講間酒樓已經開左成年，不過入到去見到裝修仍然好新淨，佈置華麗，全場無柱，而且環境光猛，樓底又夠高，坐得十分舒服。
點心嘅價錢都好合理，很多都是賣三、四十元，如果 8am – 11am 入座，仲會有一些特價嘅精美早點供應，唔怪得侍應話星期六日經常滿座。
酥炸鯪魚球 ($28.8) 一碟有 5 粒，粒粒都好似乒乓波咁大，肉質紮實彈牙，唔腥又無碎骨，入口甘香爽滑，一定要配埋旁邊的蜆芥醬一齊食，能吊出魚肉的鮮香滋味。
九製陳皮叉燒酥 ($32.8) 外層嘅酥皮很鬆化，入口有好重牛油香味。入面嘅叉燒切得大小均勻，夾埋面頭嘅粒粒陳皮一齊食，微咸帶酸，可以平衡番叉燒嘅油膩感。
蒜香荷塘蓮藕餅 ($32.8) 蓮藕餅用料十足，以豬肉、蓮藕、馬蹄等混合後煎香，入口清甜爽脆，滿口肉香。
醬皇荔芋鴨腳扎 ($36.8) 好耐無食過咁懷舊嘅點心，鴨腳用蠔油烹煮過，食落好入味，但又唔會死鹹。芋頭粉糯軟綿，夾埋腐皮、豬肉等一齊食，層次豐富，非常惹味。
脆皮腩仔飯 ($55) 腩仔同飯分開盛載，腩仔分量都幾多，外皮脆卜卜，肥瘦比例亦啱啱好，肉質腍嫩，鬆化又無渣，配埋芥末醬，簡直係 Perfect Match！
壓尾點左個祝壽大蟠桃 ($18) 做甜品，大大個，拿上手是仍熱辣辣，內藏蓮蓉餡及蛋黃，包身好軟熟，蓮子味很香濃，味道清甜不膩。
張貼
