相馬日式火鍋 觀塘

營業中

休息中

早就到過呢間餐廳，今次就同另一半嚟輕鬆放鬆，享受一下二人世界🫰🏻。 呢間店嘅服務一流，洗手間又乾淨，佢哋嘅人員都好細心。我哋就嚟嘗試返佢哋嘅幾款特色菜。首先就有「芝士龍蝦湯茶碗蒸」 ☺️💭豐富嘅芝士湯道滑入口即化，鮮甜嘅龍蝦更係添加滿分！又試咗佢哋嘅「任食惹味龍蝦雞煲」😍💭呢個係我覺得佢哋嘅一大亮點，好驚喜。香滑嘅雞同鮮甜嘅龍蝦都好香口！我哋又試埋「極尚龍蝦蒸海鮮」💭每一種海鮮都好新鮮，分別有龍蝦、鮑魚、魚、貴妃蚌、扇貝同蝦，真係大快朵頤！至於火鍋呢，我哋點咗「清湯」做湯底🍲，再配埋「美國特選牛肩胛」「優質雞腿肉，清湯好提味，而火鍋鍋物嘅肉都好新鮮，好有彈性！『相馬日式火鍋』係一間我會想返嚟食嘅火鍋店！🤩‼️裝修有格調，氣氛舒適，店內空間開揚，座位寬大，幾適合帶朋友或者家人一齊嚟！食物質素幾好，價錢公道，實在係一試之選！有機會呢，你都黎試吓。