牛站(駅)麻辣火鍋放題

營業中

休息中

呢排鍾意咗食放題， 今日就嚟咗觀塘 牛站（駅）麻辣火鍋放題， 果然係人氣火鍋放題 六點到已經開始排隊。牛站除咗麻辣湯底其他湯底佢哋都好出色 。我哋叫咗個鴛鴦鍋 ，沙嗲湯底濃香帶微辣花生香， 朋友偏愛冬瓜瑤柱湯，清甜中帶海鮮嘅鮮味。 主角係牛，板腱、牛小排、封門柳。 每款牛各有特色，牛肩胛肥瘦均勻， 牛板腱肉質嫩滑， 封門牛肉香滿滿。 朋友專攻大頭蝦， 店家好細心預備定圍裙畀食客 ，朋友剝殼時汁水濺到圍裙上都唔理，只係話「呢隻蝦可以回本」。 自助區仲有好多款 火鍋配料 、熱食、涼拌、甜品、雪糕任食 ，有個糖果吧任夾糖啱曬小朋友， 多款涼拌前菜， 酸酸甜甜惹味又開胃 ，炸魚皮脆酥脆香口，泡湯三秒半軟半脆最佳； 甜品種類繁多精緻又美味，， 雪糕仲有häagen-dazs同Movenpick 任食添。