February

營業中

休息中

身為觀塘地膽，當然要不斷搜羅美食，座落於中海日升中心，呢個美食新蒲點，附近地下同二樓都有不少餐廳，見到有signage 介紹February- 以德國及西式菜為主。叫了個晚餐同兩個頭盤，先黎餐湯，係牛肝菌湯,好大碗，香濃菌味,味道在黑松露同蘑菇味道中間，而且好creamy 。頭盤小食散叫了炸魷魚圈，配了芥末沙律醬，新穎配搭，再黎小食係拿破倫紅酒煮大蜆$92，夠晒創新烹調手法，一向係用白酒蒜蓉煮蜆，但今次用左蕃茄蓉加洋蔥粒煮，鮮味開胃，有十幾隻大蜆，都算多呀。個汁點若叫個蒜蓉包或配意粉相信都好好味。到重頭戲，叫了馳名火焰咸豬手，店員淋上酒精再點火，燒至皮更脆，旁邊還有咖喱薯仔沙律同沙律菜，有啲蔬菜配搭不致有肥膩感。睇完火焰，店員體貼地拎返入廚房切件，真係好大隻，塊皮真係好脆，豬手肉淋身不會好乾，味度適中，唔太咸，有啲部位有根，有趙口，感覺好多骨膠元。最後叫了檸檬茶消滯，因太好食，食到大滿足。看得出廚師悉心鑽研新穎配搭的菜色。刻意選用不同醬汁或烹調手法，令人有驚喜好奇感覺。