推介酒釀溏心蛋。原隻蛋，蛋黃啫喱感十足，入口又有酒香，好有層次。
跟住主菜先係重頭戲。秋意豉油雞被譽為觀塘最好，雞肉超嫩滑，豉油味道恰到好處，唔會過鹹。想再升級可以揀雞髀肉，雞髀肉無骨方便，肉質仲特別彈牙，好正！
秘制紅燒肉都好掂，肥瘦分明，入口香甜惹味唔膩。配埋蝦蝦冷拌麵，櫻花蝦加特製醬汁，麵條清爽，最啱夏天食。
湯品方面，蟲草花烏雞燉花膠湯一定要試，用料足，啖啖濃味又滋補，暖胃又舒服。
飲品方面推薦凍玫瑰山楂飲，甜酸醒神；低糖羅漢果菊花茶超級解渴，炎炎夏日飲一啖，舒服晒。
成餐由前菜到飲品全部有水準，真係值得推介畀大家！
1
1
