翟道翟 (已搬遷) 新店位置

有一晚出去食飯同埋慶祝我和細妹轉新工，就一行四人去到觀塘找地方食飯，見到有間新開的泰國菜餐廳，就睇下會唔會好似我和女友係九龍城啲泰國菜餐廳一樣。我路經有間好窄的樓梯有個招牌，見係做泰國菜，就上去睇下。一入去就見到個環境幾大，個窗口可以望見對面城東誌和駿業里。啲梳化椅好大張，坐得都算舒服。我亦見到有個好大的四面佛，好多泰國餐廳都有。食物方面我們叫得唔算好多，但每樣價錢都係八十幾九十蚊。可能新開張，佢哋都幾好招呼。食過我覺得好像好多野都幾好食，特別燒雞和黃油飯真係好食過好多間九龍城啲菜館。我女朋友成日覺得食泰國菜要去九龍城食，依家我可以帶佢黎觀塘食了。