影片
更多
2022-12-28
61 瀏覽
有日同朋友係觀塘行完街想食泰國菜，諗起駱駝漆大廈有間叫ADD SOME THAI既泰菜，以前食過幾次水準都唔錯，事隔兩年，帶埋朋友試下先。上到駱駝漆大廈一座9樓一開門就見到招牌同大大隻字”ADD SOME THAI”，即使餐廳係工業大廈內都唔會去搵唔到。餐廳裝潢充滿泰國風情，中間位置更有個細水池，上面擺放左浮燈浮係水面，十分有FEEL。餐廳主打FUSHION泰國菜，菜式較一般泰國菜新穎。當日都叫左幾多野食，首先黎既係西班牙風乾火腿伴肉碎生菜包($78)，上次黎食過對佢地生菜包有深刻既印象，用上西班牙既PARMA HAM再配肉碎包生菜，而且餐廳除左肉碎外仲有小小菠蘿、青瓜及生洋蔥伴碟，撈埋一齊食不但帶PARMA HAM的咸香，而且比坊間既生菜包更FRESH及味道更多層次。黃咖哩肉碎蒜蓉包($58)，咖哩汁再鋪上肉碎，汁好多，咖哩好香，味道帶微辣小小甜，蒜蓉包夠味焗得脆，無野彈。黃金入球($68)，即咸蛋黃釀炸蝦餅，將蝦滑搓成球狀再炸，蝦膠爽彈，同時食到小小蝦肉，每粒蝦球都釀入左半粒咸蛋黃，蛋黃食完香、雖然無漏油但唔死實，十分邪惡。泰式燒豬肋骨($75)，本身想食豬頸肉但見到餐廳推介呢樣，
上到駱駝漆大廈一座9樓一開門就見到招牌同大大隻字”ADD SOME THAI”，即使餐廳係工業大廈內都唔會去搵唔到。
餐廳裝潢充滿泰國風情，中間位置更有個細水池，上面擺放左浮燈浮係水面，十分有FEEL。餐廳主打FUSHION泰國菜，菜式較一般泰國菜新穎。
當日都叫左幾多野食，首先黎既係西班牙風乾火腿伴肉碎生菜包($78)，上次黎食過對佢地生菜包有深刻既印象，用上西班牙既PARMA HAM再配肉碎包生菜，而且餐廳除左肉碎外仲有小小菠蘿、青瓜及生洋蔥伴碟，撈埋一齊食不但帶PARMA HAM的咸香，而且比坊間既生菜包更FRESH及味道更多層次。
黃咖哩肉碎蒜蓉包($58)，咖哩汁再鋪上肉碎，汁好多，咖哩好香，味道帶微辣小小甜，蒜蓉包夠味焗得脆，無野彈。
黃金入球($68)，即咸蛋黃釀炸蝦餅，將蝦滑搓成球狀再炸，蝦膠爽彈，同時食到小小蝦肉，每粒蝦球都釀入左半粒咸蛋黃，蛋黃食完香、雖然無漏油但唔死實，十分邪惡。
泰式燒豬肋骨($75)，本身想食豬頸肉但見到餐廳推介呢樣，豬肋骨燒香後淋上泰式醬汁，醬汁帶咸酸及小小辣，十分開胃，調味唔錯可惜肋骨可能燒過左火，有小小柴，下次可以試豬頸肉。
炸軟殼蟹配金邊粉($118)，軟殼蟹炸得香脆，好似薯片咁一咬就散，但略嫌調味有小小咸，金邊粉炒得幾香，有鑊氣，份量好多，醫肚之選。
最後記得留肚食芒果糯米飯配雪糕($68)，本身都無諗住影，見上菜時見到餐廳好有心機寫左字，即刻影低佢，除左賣相討好，味道都唔錯，當日既芒果十分甜，無渣，糯米飯食落有米香，但就略嫌椰汁太甜，食到尾有小小膩，可能加小小鹽中和番會更好。當日雪糕口味為椰子味，食落口咬到粒粒椰肉，幾香滑而且唔會死甜，幾好食。
張貼
