影片
更多
2025-06-12
0 瀏覽
香港人一年四季都鍾意打邊爐，我當然都唔例外啦🙈 呢晚嚟咗觀塘食呢間泰式火鍋，食左個120分鐘嘅美國產極選肩胛牛小排餐😗 餐廳做緊四人同行一人免費嘅優惠，門口仲有個估泰文嘅小遊戲，如果估中咗仲可以每位減$10添呀😮前菜B餐同C餐有三款前菜可以選擇，包括回味農家土雞煲、泰檸開胃手撕雞撈起同埋特色泰金烤魚煲🐟 我哋就揀咗個烤魚煲，真係有原條嘅烤魚，烤魚做得幾出色，略帶點辛辣，非常惹味🌶️ 食完前菜就可以叫店員幫忙轉煲，開始打邊爐🤪 鍋底餐廳提供多款湯底選擇，當中包括有泰式同日式嘅選擇，我哋揀咗藥膳豬骨白湯鍋，入面嘅配料都幾養生，有紅棗、桂圓肉、杞子等等🍲 肉類呢個套餐包括咗三款肉類，澳洲產下肩胛肉眼肉質較瘦，食落口唔會太韌。嚴選特級牛胸腹，半肥瘦入口幾嫩滑🐮 特選豚梅肉，幾有咬口🐷海鮮拼盤呢個新店優惠，惠顧晚市，即送一份海鮮拼盤。入面有串串海蝦、鮑魚、生蠔、扇貝、新鮮沙白、墨魚仔🦑 我就特別鍾意佢嘅鮑魚同埋生蠔，兩款都幾肥美同埋鮮甜。泰式小食呢度嘅泰式食品都算幾多種類，有脆卜卜嘅泰式炸蝦餅同埋泰國清邁炸豬皮🐷 QR code落單即叫即制嘅沙嗲雞肉同埋豬肉串；自助吧拎到嘅泰式鳳爪同埋青木瓜沙律🥗
前菜
B餐同C餐有三款前菜可以選擇，包括回味農家土雞煲、泰檸開胃手撕雞撈起同埋特色泰金烤魚煲🐟 我哋就揀咗個烤魚煲，真係有原條嘅烤魚，烤魚做得幾出色，略帶點辛辣，非常惹味🌶️ 食完前菜就可以叫店員幫忙轉煲，開始打邊爐🤪
鍋底
餐廳提供多款湯底選擇，當中包括有泰式同日式嘅選擇，我哋揀咗藥膳豬骨白湯鍋，入面嘅配料都幾養生，有紅棗、桂圓肉、杞子等等🍲
肉類
呢個套餐包括咗三款肉類，澳洲產下肩胛肉眼肉質較瘦，食落口唔會太韌。嚴選特級牛胸腹，半肥瘦入口幾嫩滑🐮 特選豚梅肉，幾有咬口🐷
海鮮拼盤
呢個新店優惠，惠顧晚市，即送一份海鮮拼盤。入面有串串海蝦、鮑魚、生蠔、扇貝、新鮮沙白、墨魚仔🦑 我就特別鍾意佢嘅鮑魚同埋生蠔，兩款都幾肥美同埋鮮甜。
泰式小食
呢度嘅泰式食品都算幾多種類，有脆卜卜嘅泰式炸蝦餅同埋泰國清邁炸豬皮🐷 QR code落單即叫即制嘅沙嗲雞肉同埋豬肉串；自助吧拎到嘅泰式鳳爪同埋青木瓜沙律🥗 另外仲有蒲燒鰻魚同埋秘製海南雞。
自助吧
範圍都幾大，有多款蔬菜同菇菌可以自己夾，丸類方面佢唔算太多選擇，但係幾推介佢嘅泰式魚餅。最抵讚嘅係佢嘅雪櫃夠凍，令到啲材料都keep到好新鮮🥬
甜品
喺甜品區放置咗一部雪花冰機，跟住個指示好快就可以食到好綿密嘅雪花冰啦❄️ 側邊仲有多款配料可以加落去個雪花冰度，我就覺得加涼粉同埋椰汁係最夾嘅🥰 另外仲有椰汁西米糕同埋椰汁千層斑蘭糕呢兩款泰式甜品😉 雪糕方面都有多款雪糕同埋雪條，仲有啲較低卡嘅乳酪冰條🙈
飲品
喺舖頭嘅正中間有一個好大嘅飲品櫃入面有多款汽水同埋無糖茶🍵 另外仲有泰式咖啡、泰式奶茶同埋香茅水可以任拎，幾款都好有泰式風情🇹🇭
呢間分店嘅環境都坐得好舒適，食物種類方面我就幾鍾意佢嘅泰式小食😌 呢次令我印象最深刻嘅就係餐廳提供自製嘅雪花冰，望住部機製作出嚟真係好神奇❄️
張貼
