翟道翟 (已搬遷) 新店位置

觀塘一向都出名係工業區，而好多工業大廈一向出名多野食。呢日就去左試巧明街嘅一間叫翟道翟嘅泰國菜。一入到去就見到餐廳入面嘅裝修都好闊落，唔會好逼，梳化卡位都坐得都幾舒服。咁我地就叫左串燒拼盤，打算可以試多啲唔同款嘅串燒，咁佢都算多選擇，豬牛同雞每樣都有啲咁樣。之後仲叫左個必食嘅芒果糯米飯～糯米飯軟綿綿，口感非常好，芒果同埋椰汁都係甜甜地～～整體黎講非常好！最後就仲有泰式鮮蝦炒金邊粉，蝦肉份量都幾多，唔會話淨係得麵，整體份量算多，食完都夠曬飽。我仲叫左杯鮮蜂蜜蝶豆花，顏色好特別～～飲落都幾好飲。整體黎講，呢間餐廳坐得舒服，食物份量同味道都不錯！