影片
更多
2020-07-07
505 瀏覽
#肥doi遊觀塘.成日都會去觀塘食野既袋氏家族，呢間burger都係成日食，而家就推介下每次我地都一定會食既包🤣其實其他漢堡都一樣好吸引，但我地比較專一，每次都食同一個🤣-《蘑菇洋蔥牛肉漢堡》$57包皮微微烘至乾脆，同埋個包都幾大個唔會出現一路食餡料一路移位既情況。大大塊既牛肉全熟得黎仲保持住肉汁，記得要用本身張紙包住黎食，因為啲汁會一路食一路流出黎！蘑菇既份量好十足，同生菜蕃茄比倒大約係六四之比。略嫌芝士份量唔多夠，如果可以大塊少少就好！.《牙買加辣雞漢堡》$49平時啲雞漢堡都係一塊厚雞扒加啲菜，呢個有兩塊！仲要係大過個包好多突哂出黎，話明辣雞都真係幾辣，配埋佢啲香料同包，係好夾好好食，不過食完個口可能會辣到噴火🤣我覺得兩塊雞黎講，呢個價錢都幾合理！·《套餐A: 薯條+飲品》$20飲品係雪櫃自選既各款汽水，薯條既份量大概係單點既一半啦，份量唔多，一個人食岩岩好，佢係粗薯條黎，但好唔好食就好睇運氣，有時會好油或者淋左，有時好脆好熱好好食！.《炸洋蔥圈》$35肥Doi本身係唔食任何洋蔥製品，但唯獨係呢間My Burger既炸洋蔥圈百食不厭。洋蔥圈熱辣辣即炸，份量頗多而且每塊size都幾唔
.
成日都會去觀塘食野既袋氏家族，呢間burger都係成日食，而家就推介下每次我地都一定會食既包🤣其實其他漢堡都一樣好吸引，但我地比較專一，每次都食同一個🤣
-
《蘑菇洋蔥牛肉漢堡》$57包皮微微烘至乾脆，同埋個包都幾大個唔會出現一路食餡料一路移位既情況。
大大塊既牛肉全熟得黎仲保持住肉汁，記得要用本身張紙包住黎食，因為啲汁會一路食一路流出黎！
蘑菇既份量好十足，同生菜蕃茄比倒大約係六四之比。
略嫌芝士份量唔多夠，如果可以大塊少少就好！
.
《牙買加辣雞漢堡》$49平時啲雞漢堡都係一塊厚雞扒加啲菜，呢個有兩塊！仲要係大過個包好多突哂出黎，話明辣雞都真係幾辣，配埋佢啲香料同包，係好夾好好食，不過食完個口可能會辣到噴火🤣我覺得兩塊雞黎講，呢個價錢都幾合理！
·
《套餐A: 薯條+飲品》$20飲品係雪櫃自選既各款汽水，薯條既份量大概係單點既一半啦，份量唔多，一個人食岩岩好，佢係粗薯條黎，但好唔好食就好睇運氣，有時會好油或者淋左，有時好脆好熱好好食！
.
《炸洋蔥圈》$35肥Doi本身係唔食任何洋蔥製品，但唯獨係呢間My Burger既炸洋蔥圈百食不厭。洋蔥圈熱辣辣即炸，份量頗多而且每塊size都幾唔算細，beer batter 脆漿厚度適中，入面既洋蔥唔會切到好厚，最重要係洋蔥圈夠結實，唔會食到炸粉還炸粉洋蔥還洋蔥，岩哂肥Doi呢啲唔太鐘意食洋蔥既人！
-
👅味道：8.5/10
🍱賣相：7.5/10
.
🏠環境：7/10
餐廳座位比較逼，好多時會撞到隔離，但牆上既裝飾都好有外國既感覺，都幾配合食漢堡包！
.
⭐️總評分：8/10
張貼
