森．湯咖哩 (已結業)

朋友同我講觀塘開咗間新嘅湯咖喱店，佢話好好味，所以我都忍唔住去試試😋。森．湯咖哩新開冇耐，而家有8折嘅優惠，好抵食啊。慢煮炙燒雞叉燒湯咖喱 $108湯咖喱好濃味，帶少少辣，配飯一流。除咗主菜，每款湯咖喱都有多種蔬菜配料，例如有薯仔、秋葵、蘿蔔、西蘭花、紅椒、雞髀菇、茄子等等。雞叉燒炙燒完好香，肉質比平時雞肉更滑，仲連住雞皮，口感更加豐富、更彈牙。蔬菜配料方便，我最鍾意西蘭花，因為佢吸滿晒咖喱嘅醬汁。另外薯仔都好好味，因為佢先炸過，脆脆地。芝士年糕（2件）跟餐 $23芝士年糕新鮮即炸，熱辣辣，食落煙煙韌靭，芝士仲係溶溶地嘅狀態，味道濃郁，非常好味。飛驒和牛漢堡扒湯咖喱 $138依個餐都有好多蔬菜，種類眾多。飛驒和牛漢堡扒好後，超juicy，超好味。和牛漢堡扒冇煮到全熟，所以一啲都唔會柴，好香牛味，充滿牛香。仲有跟餐+$10就可以加配前菜同凍綠茶，好抵！綠茶清清地，好解膩。荔枝梳打 $38荔枝梳打味道濃郁，好夠氣！蜂蜜柚子梳打 $38蜂蜜柚子味就比較清新，柚子醬俾得好得好多，甜絲絲～