巷仔內

營業中

休息中

觀塘新開既台式餐廳，第一時間試試佢。好近觀塘地鐵站，D4出口，落樓梯右手邊就係觀塘工業中心4期。靠右上一層樓梯就好快搵到。環境木系清新，幾舒服好坐。是日遇到既店員都係講普通話，俾到親切台灣既感覺🥰枱面上有QR code自助落單,餐廳都好細心有wi-fi提供。🥢半筋半肉牛肉麵$85用嘅係扁身嘅面，湯底係有台灣嘅感覺，半隻溏心蛋，牛筋同牛展都好淋，湯底微微辣🥢巷仔巨無霸排骨便當$68肉燥飯底，排骨大件，炸得酥脆。🥢炸物拼盤$48顏色配搭好吸引！紅色既台灣香腸、黃色紫色既地瓜球、 綠色既九層塔，仲有鹽酥雞，同埋另外既三大片炸物原來係雞脾菇嚟。🥤黒糖薑母茶$25天氣凍，熱既黑糖薑母茶暖笠笠。