影片
更多
2023-11-30
1182 瀏覽
我地今次為左餐廳既Afternoon Tea而嚟到House Fifty Eight，而家優惠價只係$388🤩 。餐廳面積非常大，娛樂一應俱全，包括飛鏢、beer pong同桌球。我同女友坐喺卡位，卡位非常大，坐十個人都唔成問題，唯一缺點係枱同梳化距離有少少遠。餐廳亦有室外座位。頂層係英式鬆餅，柔軟既鬆餅配上酸酸甜甜既果醬可謂一拍即合。果醬一共有兩款，我自己鐘意橙醬多啲🥰第二層有三款鹹食，包括煙三文魚忌廉芝士卷、蟹柳熟蛋三文治同粟米南瓜沙律撻。賣相非常精緻，尤其係煙三文魚忌廉芝士卷，煙三文魚捲成玫瑰花形狀，忌廉芝士非常香滑，而三文魚帶有煙醺既味道。至於粟米南瓜沙律撻幾脆口，上面既粟米同南瓜蓉配搭出色，味道香甜。最後蟹柳熟蛋三文治味道比較普通。最後一層係甜點，分別有白桃啫喱奶凍、南瓜慕斯餅、南瓜芝士泡芙同芒果抹茶卷。抹茶卷茶味香濃，配上芒果味道好夾。南瓜芝士泡芙可以一啖食曬非常過癮，另外兩款味道都唔錯。套餐仲包括兩杯飲品，我地叫左橙汁同檸檬茶👍🏻
我地今次為左餐廳既Afternoon Tea而嚟到House Fifty Eight，而家優惠價只係$388🤩 。餐廳面積非常大，娛樂一應俱全，包括飛鏢、beer pong同桌球。
我同女友坐喺卡位，卡位非常大，坐十個人都唔成問題，唯一缺點係枱同梳化距離有少少遠。餐廳亦有室外座位。
頂層係英式鬆餅，柔軟既鬆餅配上酸酸甜甜既果醬可謂一拍即合。果醬一共有兩款，我自己鐘意橙醬多啲🥰
第二層有三款鹹食，包括煙三文魚忌廉芝士卷、蟹柳熟蛋三文治同粟米南瓜沙律撻。賣相非常精緻，尤其係煙三文魚忌廉芝士卷，煙三文魚捲成玫瑰花形狀，忌廉芝士非常香滑，而三文魚帶有煙醺既味道。至於粟米南瓜沙律撻幾脆口，上面既粟米同南瓜蓉配搭出色，味道香甜。最後蟹柳熟蛋三文治味道比較普通。
最後一層係甜點，分別有白桃啫喱奶凍、南瓜慕斯餅、南瓜芝士泡芙同芒果抹茶卷。抹茶卷茶味香濃，配上芒果味道好夾。南瓜芝士泡芙可以一啖食曬非常過癮，另外兩款味道都唔錯。
套餐仲包括兩杯飲品，我地叫左橙汁同檸檬茶👍🏻
張貼
