米線芳華

營業中

休息中

同朋友見到觀塘開咗間新米線即刻去咗試～環境光猛闊落，晚市座無虛席。巴蜀涼拌皮蛋 $22每次食米線見到皮蛋都好想叫，皮蛋搭配巴蜀風味嘅涼拌醬汁，酸辣帶有麻香同蒜香，係惹味開胃嘅小食😋😋過橋米線配重慶麻酸辣湯 $68份量大，湯底麻辣酸爽，有16種配料，包括雞肉、牛肉、豆卜、墨魚丸等等，好豐富，配料吸收咗湯底之後更加好味。另外+$12加點咗香口脆身嘅招牌花膠春卷（2件），味道有驚喜👏🏻👏🏻招牌花膠蟲草花濃湯雞米線 $78雞湯濃郁，有滑身嘅雞肉、花膠、蟲草花、紹菜、紅棗同杞子，湯底鮮味，唔會令人口渴，果然係招牌🤤飲品跟餐+$9就有，揀咗豆味濃嘅枝裝豆漿同埋清甜解膩嘅凍柚子茶👍🏻