米線芳華

營業中

休息中

今日同小朋友去觀塘海濱跑跑跳跳開心玩，行去附近Two Harbour Square，嗰頭不嬲都有幾間餐廳，點知發掘到原來開左一間新餐廳❣️米線芳華✨️見佢招牌主打濃湯雞鍋，都幾啱一家大細。佢哋嘅招牌菜有好幾款，🐤🍜試左佢推介既＜花膠蟲草花濃湯雞＞，雞件件件無骨嫰滑，唔韌唔鞋，入面仲有紅棗、杞子、花膠、紹菜，成個湯鮮，濃而不膩。花膠俾我搶食左好多，好味又補充骨膠原😂除左配米線，佢仲可以配飯/薯粉/烏冬等等，都唔怕唔啱食。🫕另外試咗＜胡椒豬肚雞＞（$75）有紹菜、酸菜、枝竹同豬肚，食食下仲發現湯底有啲薑絲，微微嘅薑香提升晒暖意，咁啱嗰日突然又轉冷，凍凍地食完暖笠笠，超舒服。豬肚炆得軟腍入味，酸菜唔係好酸，味道溫和。雞肉一樣嫩滑得黎juicy，想減肥所以我配左生菜底😆好like佢有得配生菜底呢個選擇❣️🔅特別一提，呢度仲有一人火鍋選擇，平日下午五時或者假日上午11時開始供應，一個人都可以享受濃湯雞鍋嘅滋味，唔使同人share，超方便！🥢小食方面，加左個<招牌花膠春卷>。炸得香脆，咬落除咗有花膠嘅彈牙口感，仲發現入面有啲八爪魚，小朋友咬咗一啖即刻話要再食。🥢仲有甜品，揀咗<爆

米線芳華環境簡潔明亮，座位寬敞，適合與朋友聚餐或獨自享用。餐廳以米線為主打，選擇豐富，讓人眼花繚亂。  最特色的是除米線外一人火鍋，有多款選擇。吊龍米線火鍋拼盤是亮點，吊龍牛肉選用牛背脊部位，肉質細嫩帶有適量油脂，入口即化卻不失嚼勁，搭配豬骨香菜湯底，湯頭濃郁鮮甜，香菜香氣點綴其中，層次分明。牛肉與湯底完美融合，每一口都充滿滿足感。  雜菜盤種類豐富，牛丸彈牙多汁，墨魚丸鮮味十足，魚皮餃皮薄餡多，魚片頭軟滑入味，冬菇和金菇吸滿湯汁，娃娃菜清甜，豆蔔和響鈴卷更是湯底的精華所在。  自選小鍋米線可自由搭配，清湯米線湯底清爽，扎肉彈牙有嚼勁，貢丸鮮美多汁，金菇增添口感層次，豬潤嫩滑無腥味，整體搭配和諧。  炸醬香氣撲鼻，與米線完美融合，扎肉和貢丸的加入讓口感更加豐富，金菇和豬潤則平衡了整體味道。  飲品選擇了經典的可口可樂，冰涼清爽，解膩又提神，為這頓米線盛宴增添了一絲暢快感。  米線芳華食物質素高，份量足，選擇多樣，是米線愛好者的好去處。

傍晚到觀塘海濱公園散步，看見附近有間新張「米線芳華」店鋪，於是晚餐就吃湯米線。開胃小食：炸鮮蝦丸 ~鮮蝦丸爽甜。紅糖糍粑~皮脆軟糯，紅糖甜蜜可口。招牌花膠濃湯雞鍋米線~用料豐富，雞味香濃，花膠爽滑，米線吸收濃湯吃，味鮮不鹹。特飲：百香果多多，吃到果香，味道清新。豬骨清湯~自選配料：爽滑彈牙豬肉丸、嫩滑牛肉、腐皮和薯粉。特飲：很豐富楊枝甘露，賣相及口感都非常吸引。 豬骨清湯~自選配料流心的溏心蛋、鮮味爽口魚蛋、鮮嫩肥牛、爽脆芽菜與米線。特飲：西洋菜蜜。總結：湯鍋米線和配料份量也頗多，味道清而不淡，價錢合理，上菜快，服務不賴，下次再來會嘗嘗一人鍋。

是晚來試試觀塘新開業的米線店，聽同事講佢嘅質素唔錯，價錢又親民，除左米線仲有其他選擇添㗎。店員好快送上熱水同qr code，自行掃code落單便可。⭐客家黃酒雞配白飯朋友點咗濃湯雞鍋系列嘅客家黃酒雞，可以配米線、薯粉、烏冬、菜底等，想走碳水都冇難度。朋友揀咗配白飯，咁就變成濃湯雞湯泡飯啦🤤湯底奶白色幾有雞味，仲有淡淡嘅酒香添，冬天食一碗真係暖笠笠。⭐漁腐溏心蛋小鍋米線自己就點咗碗小鍋米線，湯底揀咗四川麻辣湯，小辣都算幾辣喎。米線好爽口，魚腐吸咗湯汁麻麻辣辣好正，仲加配咗隻溏心蛋，十分流心又有蛋香👍⭐招牌花膠春卷即叫即炸嘅花膠春卷，外面嘅腐皮炸到脆卜卜，入面嘅餡料好彈牙，點埋個甜酸醬好好食。⭐大漠孜然雞翼仲試咗佢哋嘅雞翼，雞翼大大隻皮脆肉嫩，孜然好香口🤤⭐爆漿紅糖糍粑最後仲有甜品紅糖糍粑，外面脆口內邊煙韌，糖漿好多，咬落真係有爆漿效果。⭐黑糖紅棗杞子薑母茶 & ⭐凍檸茶跟米線點飲品有優惠，朋友點了杯熱飲薑母茶，自己就要咗杯凍檸茶走甜。朋友話天氣凍飲返啲養生熱飲喎，飲落好有紅棗味同薑味，正。自己就怕辣，點返杯凍檸茶，冰冰涼涼啱啱好解下辣啦。點咗好多嘢食得好飽，天氣凍就係要飲返啲濃湯暖下胃😆

觀塘工廠區喺夜晚嘅時候係好寧靜㗎。但係咁凍嘅天氣啱啱收工好想搵啲熱嘢食吓原來寧靜嘅地方都有好嘢食架！見到米線芳華外面嘅招牌好光猛，而且入邊好多人，咁就決定食呢間啦。而且更加係我鍾意食嘅米線喎。喺呢個咁嘅天氣中，有一碗熱辣辣嘅米線真係好有幸福感㗎。見到佢嘅招牌係花膠蟲草花濃雞湯，未見到真身已經能夠幻想出佢嘅濃濃口感。友人比較鍾意食清新，酸酸口感，所以就叫咗蕃茄濃湯。黎到嘅時候，俾佢濃濃嘅湯汁吸引，而且配料好豐富花膠和雞件都唔少架。湯汁絕對係可以當湯飲，味道濃郁米線都可以吸收晒湯汁嘅精華。雞件滑溜嘅，而花膠同埋蟲草花數量好多。我同朋友都鍾意食甜嘢，所以見到呢度有紅糖糍粑都有唔住叫黎試吓。見到特飲都唔錯，就揀咗一杯叫做百香果多多。飲落酸甜解膩。估唔到呢間都幾有驚喜。✳️米線芳華✳️觀塘偉業街180號Two Harbour Square地下F&B1號舖#觀塘#觀塘美食#食好西#美食#MeTime#香港美食#抵食 #小店#米線#pollywings_foods

🔸花膠濃雞湯一人鍋配手切匙柄 $126🔸蕃茄湯豆卜肥牛米線 $45🔸流心芝士火腿飛碟 $42🔸洛神花山楂烏梅梳打 $7🔸楊枝甘露 $7-打工仔晚餐想食得好又唔使太破費，米線芳華就係一個唔錯嘅選擇！呢間店主打滋味又抵食，真係滿足返工後嗰個疲憊嘅胃。花膠濃雞湯一人鍋係奢華之選，雞湯濃郁又帶住花膠嘅鮮味，匙柄手切得啱啱好，食落爽口而有嚼勁！至於蕃茄湯豆卜肥牛米線45蚊一碗，湯底酸香開胃，肥牛油香豐滿，配埋豆卜吸滿湯汁，一個字：正！小食方面，流心芝士火腿飛碟真係值得一試，芝士香濃得嚟唔膩，配埋火腿嘅鹹香，做宵夜都冇問題。飲品推薦「洛神花山楂烏梅梳打」，清新解膩，飲完即刻神清氣爽。甜品方面，經典嘅「楊枝甘露」套餐只需加7蚊，性價比爆燈！

同朋友見到觀塘開咗間新米線即刻去咗試～環境光猛闊落，晚市座無虛席。巴蜀涼拌皮蛋 $22每次食米線見到皮蛋都好想叫，皮蛋搭配巴蜀風味嘅涼拌醬汁，酸辣帶有麻香同蒜香，係惹味開胃嘅小食😋😋過橋米線配重慶麻酸辣湯 $68份量大，湯底麻辣酸爽，有16種配料，包括雞肉、牛肉、豆卜、墨魚丸等等，好豐富，配料吸收咗湯底之後更加好味。另外+$12加點咗香口脆身嘅招牌花膠春卷（2件），味道有驚喜👏🏻👏🏻招牌花膠蟲草花濃湯雞米線 $78雞湯濃郁，有滑身嘅雞肉、花膠、蟲草花、紹菜、紅棗同杞子，湯底鮮味，唔會令人口渴，果然係招牌🤤飲品跟餐+$9就有，揀咗豆味濃嘅枝裝豆漿同埋清甜解膩嘅凍柚子茶👍🏻

有間平民米線店 開左在公司附近，食物真心平靚正，足料好食😋 💚米線芳華💚其中大愛招牌花膠濃湯雞鍋米線 🍜內有紹菜 、紅棗 杞子、花膠及無骨雞用鮮雞湯底，雞肉是三黃雞 ，所以特別嫩滑 🤩花膠份量多塊，彈牙可口，配溏心蛋很好吃😋另仲有款胡椒豬肚雞米線都豐富，辣辣地又夠開胃！更出了秋冬季節限定的飲料，趁仲天氣轉涼涼涼地飲杯熱飲養生茶，紅棗枸杞好飲呢！米線芳華觀塘Two Harbour Square地下F&B1號舖

✳️今日同老婆去開觀塘Two Harbour Square，發現咗間新開的米線專門店「米線芳華」🍜，即刻入去試吓佢哋嘅下午茶餐！😋🍜 **豆卜肥牛蕃茄湯米線餐** ($45)湯底好濃郁，蕃茄味好出，豆卜吸晒啲湯汁，肥牛份量都唔少，米線煮得啱啱好，唔會太淋。配埋杯熱奶茶，簡直係完美配搭！🍗 **大漠孜然雞翼3隻配半份花生醬西多士餐** ($45)雞翼外皮香脆，孜然味好香，食落好惹味！西多士外脆內軟，花生醬份量適中，唔會太甜。加$3就有枝凍豆漿，解膩又清爽。總括嚟講，食物質素同價錢都幾抵食，環境乾淨舒服，服務態度唔錯。下次經過觀塘一定會再嚟幫襯！👍

🍜觀塘出色米線🍜-今日係觀塘試左一間米線餐廳🍜估唔到除左米線仲有一人火鍋😋選擇幾多之餘質素仲要唔錯🤤特別係作地嘅雞做得好出色-🐥濃湯雞鍋-胡椒豬肚雞配薯粉（$78）雞肉大件得黎非常嫩滑👍🏼湯底有濃郁既雞香味😋仲有厚身既豬肚😍味道豐富又好溫身-🍲芳華靚湯鍋－吊龍（$108）肉類揀左新鮮既潮汕吊龍🐮係重慶麻辣湯到淥8-10秒岩岩好😋肉質鮮甜軟嫩👍🏼配埋火鍋拼盤包括墨魚丸🦑魚片頭🐟牛丸🐮魚皮餃🐟響鈴豆卜娃娃菜🥬冬菇🍄‍🟫非常豐富🤤最後公仔麵吸收湯底作結尾😋好滿足-🥔爆漿紅糖慈粑（$18）外皮金黃酥脆而裏面包裹住香濃紅糖餡🤤咬落去時甜蜜嘅餡料瞬間流出😋令人驚喜-📍米線芳華觀塘偉業街180號Two Harbour Square地下F&B1號舖-

小朋友口味成日變，個期鍾意食烏冬，呢期鍾意食長通粉，最近鍾意打邊爐，阿媽唔周圍搵食點得。搵到觀塘米線芳華假日中午都可以食一人靚湯鍋，揀咗穀飼肥牛、蕃茄湯底、公仔麵，跟配火鍋拼盤(有蔬菜類和丸類)，自助醬料區，仲有杯熱飲，$78，服務都唔錯，主動加湯呢啲細心位。唔使再同阿囡share個米線，我梗係食辣，揀咗四川麻辣湯，第一次嚟食我會揀微辣，試左都真係辣嘅，唔係無料到架。米線份量都多，口感爽彈煮得好適中。炸野配餸會另上係值得讚，尊重食物又尊重食既人。

米線芳華🍽️-招牌花膠蟲草花濃雞湯米線呢個雞湯完全係可以成碗湯飲哂🥹雞肉都算滑仲有3大卷花膠😋米線索哂個雞湯勁入味😍-麻辣番茄米線麻辣番茄🍅兩個味都好出好惹味😋魚腐索哂湯爆汁超正/花膠春卷必點入面竟然係用章魚肉超特別勁彈牙😍-麻辣拌墨魚頭份量都好多🦑墨魚頭都好爽口麻辣味岩岩好唔會太辣😉-炸蝦丸蝦丸好足料入面勁多蝦肉新鮮炸起沾甜酸醬勁夾😋-🌟評分:🏅🏅🏅🏅🏅📍地址: 觀塘偉業街180號Two Harbour Square地下F&B1號舖

羊肚菌藥膳雞 $68識食一定試湯先，飲落有好重嘅參味，係我鍾意嘅野，感覺上好滋補。配料仲有杞子、紅棗、紹菜，成碗粉真係無呃秤，勁多件雞，雞唔係麵粉雞，算嫩。食完碗麵成身暖笠笠。招牌花膠蟲草花濃湯雞 $78對比藥膳雞，個湯較清，食完無口渴感覺，無味精認證。好幸運地得到雞脾一隻，超嫩滑。大漠孜然雞翼 $24/3隻上枱熱辣辣，咬開直情出煙嘅。炸得啱啱好，雞翼亦腌得好入味。招牌花膠春卷  加配價 $12/2件個皮係炸腐竹，個餡似魚滑咁。兩個人食，每人一碗麵已經好飽，因為真係好多餸，性價比超高。

今日去咗觀塘Two harbour Square 嘅「米線芳華 」lunch ….「米線芳華」主要是米線餐廳但除了米線, 仲有一人火鍋, 湯底選擇都繁多…下次會食火鍋🤗🤗麻椒脆炸雞翼，香料調味不錯！外層香脆又多汁！過橋米線…湯底濃郁，而且唔會太油油膩…米線同餸料也份量十足⋯⋯蒜泥白肉(小)，估唔到份量都不少，而且每片白肉都不是太薄！蒜泥亦好足夠，蒜香味好濃！配埋醬汁同青瓜辣辣地好惹味🤗🤗川辣口水雞同巴蜀涼泮皮蛋也好惹味

今日好肚餓，難得自己一個食lunch，揾到呢間專食米線的，見環境不錯，座位唔算太逼。客家黃酒雞湯米線望落好正！點來試試，雞肉肉質鮮嫩，搭配了紹菜、金針、紅棗、杞子和雲耳，味道層次分明。湯充滿黃酒的香氣，讓人一口接一口。配上米線，吸收了湯汁的精華，每一口都充滿了滿足感🥰👍🏻隨餐的凍柑桔茶，選擇了少甜，令人感到清新舒爽，好解渴小食點了麻辣涼拌豬肚，小份量卻味道十足，豬肚的嚼勁配合麻辣醬的香辣，好開胃👍🏻再加了一碟油菜，係唐生菜，好清爽嘅口感，蒜泥白肉嘅五花肉，肉質肥瘦相間，口感滑嫩，肉好鮮嫩與彈性，加上大量蒜蓉，香辣辛辣集於一身😆底下有大量新鮮的黃瓜，大大中和了油膩感。每一口都令人陶醉👍🏻