龍鳳號 (裝修中)

觀塘一向多隱世美食，今次我地就去咗一間好嘅台式餐廳，飯麵套餐和刈包套餐分別係$68和$58，每個餐都包咗主食、健康得來調味一流的燙青菜🥬&台式飲品🧋，仲可以加$6要一杯甜品「手工綿綿紅豆冰❤️」，好清涼消暑，真係抵食到爆燈💡飯麵套餐嘅主食，我們叫咗古早味魯肉飯，真係好好食🐖，魯肉好滋味，超好送飯，有台灣風味。另一個套餐的主食，花枝蝦餅刈包🦐，花枝蝦餅真係好彈牙，配山葵醬簡直是畫龍點睛呀💛除咗套餐，我地另外叫做一份好香口嘅小食「黃金香酥排骨」，和一份甜品「雙重芋泥牛奶刨冰💜」，好有牛奶香，而且好大分量呀，仲有芋丸可以加落去，好有咬口。