森．湯咖哩 (已結業)

今年年初去左北海道食湯咖喱一直念念不忘，最近被我發現觀塘都有湯咖喱食，即刻約埋朋友仔去回憶一下。餐廳位於觀塘的中海日升中心，小小的店舖充滿日式風情! 餐廳宜家堂食有八折，外賣仲有七折，真係好抵食‼️🐮飛驛和牛漢堡扒湯咖喱 $138賣相已經好吸引，顏色鮮艷，色彩繽紛😍 和牛漢堡扒幾大塊，入口嫩滑，好juicy! 配菜好豐富，有蘿蔔、西蘭花、粟米仔、南瓜、茄子、車厘茄、蕃茄、紅椒、秋葵……全部又鮮又甜! 湯咖喱揀左中辣，連我呢個👶🏻BB班都可以接受到，少少辣🌶️更將湯咖喱的味道昇華。🐚北海道帆立貝湯咖喱 $138新鮮的北海道帆立貝大大粒，入口鮮甜彈牙! 朋友仔揀左原味的湯咖喱，更能品嚐到帆立貝的鮮美。🐟野菜魚餅 （跟餐 +$18）兩塊魚餅即叫即整，入口熱辣辣! 魚味濃郁，仲好香口!🔥脆皮燒魚卷（跟餐+$15）熱辣辣，外皮炸得香脆，魚卷好彈牙！🍊凍西柚烏龍茶 $38微微的酸甜，清涼解渴。🐝凍蜂蜜柚子綠茶 $38柚子的香氣和蜂蜜的甜味相融合，帶來一種綠茶的新鮮感。