先講個雜錦天婦羅， 一上枱熱辣辣，炸漿薄到透光！大蝦爽脆彈牙，茄子同番薯保持到水潤，最正係個蓮藕片，脆到似食緊薯片！完全無油膉味，點埋少少蘿蔔蓉天婦羅汁，清新唔膩口，證明師傅炸功了得！
至於黑豚豬頸肉串燒更加係必點！燒到金黃微焦，咬落「咔嗞」脆邊，裡面肉汁爆出嚟～豚肉帶適中油脂，爽口唔韌，簡單灑咗七味粉同燒汁，已經將肉香完美帶出！每串都係啖啖肉，送啤酒真係一流搭配！
雖然舖頭細細，但環境乾淨企理，師傅即叫即製夠用心。人均百零蚊食到咁高質日料，仲要喺觀塘區！下次想同朋友chill下食串燒，呢度係唔錯選擇～
1
